ହାଇଦ୍ରାବାଦ: ଗ୍ରୀଷ୍ମଋତୁରେ ସୂର୍ଯ୍ୟକିରଣ ଏବଂ ପ୍ରବଳ ଉତ୍ତାପ ହେତୁ ଶରୀରରୁ ଝାଳ ବାହାରିଥାଏ ଏବଂ ଗଳା ଶୁଖିବା ଆରମ୍ଭ କରେ । ପ୍ରବଳ ଉତ୍ତାପ କାରଣରୁ ଆମେ ବାରମ୍ବାର ଶୋଷିଲା ଅନୁଭବ କରନ୍ତି । ଶୋଷ ମେଣ୍ଟାଇବା ପାଇଁ ଅଧିକାଂଶ ଲୋକ ଗ୍ରୀଷ୍ମଋତୁରେ ଥଣ୍ଡା ପାଣି କିମ୍ବା କୋଲ୍ଡ ଡ୍ରିଙ୍କ୍ସ ପିଇବାକୁ ଅଧିକ ଇଚ୍ଛା କରନ୍ତି । କାରଣ ଏହା କେବଳ ଶୋଷ ମେଣ୍ଟାଏ ନାହିଁ, ବରଂ ଗରମରୁ କିଛି ପରିମାଣରେ ଆରାମ ମଧ୍ୟ ଦେଇଥାଏ ।
କିନ୍ତୁ ଜାଣନ୍ତି କି ଅତିରିକ୍ତ ଥଣ୍ଡା ପାନୀୟ ସ୍ୱାସ୍ଥ୍ୟକୁ କେତେ କ୍ଷତି ପହଞ୍ଚାଇପାରେ । ଯଦିଓ ଥଣ୍ଡା ପାଣି ପିଇଲେ ଆରାମ ମିଳିଥାଏ, ହେଲେ ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ । ତେବେ ଥଣ୍ଡା ପାଣି ପିଇବା ଦ୍ବାରା କି କି ସ୍ବାସ୍ଥ୍ୟ ସମସ୍ୟା ଉପୁଜେ, ଜାଣନ୍ତୁ...
ଥଣ୍ଡା ପାଣି ପିଇଲେ ହୋଇପାରେ ଏହି ରୋଗ
ଥଣ୍ଡା ପାଣି ପିଇବା ଅଭ୍ୟାସ ହୃଦସ୍ପନ୍ଦନର ଗତି ଉପରେ ପ୍ରଭାବ ପକାଇଥାଏ । ଏହି ଜଳ ଶରୀରର ସ୍ନାୟୁ ପ୍ରଣାଳୀର ସନ୍ତୁଳନ ନଷ୍ଟ କରିବାକୁ କାମ କରିପାରେ । ଖରାପ ଜୀବନଶୈଳୀ ଏବଂ ଖାଦ୍ୟ ଅଭ୍ୟାସ ଲୋକଙ୍କ ମଧ୍ୟରେ ମେଦବହୁଳତା ସମସ୍ୟା ବଢାଇଥାଏ । ଏପରି ପରିସ୍ଥିତିରେ, ଯଦି ଖାଦ୍ୟ ଖାଇବା ପରେ ତୁରନ୍ତ ଥଣ୍ଡା ପାଣି ପିଆଯାଏ, ତେବେ ମେଦବହୁଳତା ଶୀଘ୍ର ବଢିପାରେ । ଏହି କାରଣରୁ ଅନେକ ଡାଏଟିସିଆନ୍ ଖାଇବା ପରେ ତୁରନ୍ତ ଥଣ୍ଡା ପାଣି ନପିଇବାକୁ ପରାମର୍ଶ ଦିଅନ୍ତି ।
ଏହା ମଧ୍ୟ ପଢନ୍ତୁ:- ଖରାଦିନରେ ଫୁଡ୍ ପଏଜନ୍କୁ କିପରି ଏଡାଇବେ, ଜାଣନ୍ତୁ
ଏହା ସହ ଥଣ୍ଡା, କାଶ ଏବଂ ଜ୍ବର ହେବାର ମଧ୍ୟ ସମ୍ଭାବନା ଅଧିକ । ଏହି ରୋଗରୁ ରକ୍ଷା ପାଇବା ପାଇଁ ସୂର୍ଯ୍ୟକିରଣରୁ ଆସିବା ପରେ ତୁରନ୍ତ ଥଣ୍ଡା ପାଣି ପିଅନ୍ତୁ ନାହିଁ । ଯଦି ପାଣି ପିଇବାକୁ ଚାହୁଁଛନ୍ତି ତେବେ ସାଧା ପାଣି ପିଅନ୍ତୁ । ବାସ୍ତବରେ, ଥଣ୍ଡା ପାଣି କାରଣରୁ ଶରୀରରେ ଅଧିକ ମାତ୍ରାରେ ମ୍ୟୁକସ୍ ଉତ୍ପନ୍ନ ହୁଏ । ଏହି କାରଣରୁ ଭାଇରାଲ୍ ସଂକ୍ରମଣ ହେବାର ଆଶଙ୍କା ବଢିଯାଏ । ଫ୍ରିଜରୁ ଥଣ୍ଡା ପାଣି ପିଇବା ଦ୍ୱାରା ବୃହତ୍ତ ଅନ୍ତନଳୀ ସଙ୍କୁଚିତ ହୋଇପାରେ । ଯେଉଁଥିପାଇଁ ସକାଳେ ପେଟକୁ ସଠିକ୍ ଭାବେ ସଫା କରାଯାଏ ନାହିଁ ଏବଂ କୋଷ୍ଠକାଠିନ୍ୟ ସମସ୍ୟା ଉପୁଜେ । କୋଷ୍ଠକାଠିନ୍ୟ ଆୟୁର୍ବେଦର ଅନେକ ରୋଗ ସହିତ ଜଡିତ ।
ଅତ୍ୟଧିକ ଥଣ୍ଡା ପାଣି ପିଇବା ଦ୍ୱାରା ଶରୀରର କୋଷଗୁଡ଼ିକ ମଧ୍ୟ ସଙ୍କୁଚିତ ହୁଏ ଏବଂ ସେମାନଙ୍କର କାର୍ଯ୍ୟ ସଠିକ୍ ଭାବରେ ହୋଇପାରେ ନାହିଁ । ମେଟାବୋଲିଜିମ୍ ଏବଂ ସ୍ୱାସ୍ଥ୍ୟ ଉପରେ ଏହାର ଖରାପ ପ୍ରଭାବ ପଡିଥାଏ । ଥଣ୍ଡା ପାଣି ପିଇବା ଦ୍ୱାରା ଗଳା ଯନ୍ତ୍ରଣା ହୋଇପାରେ ଏବଂ ହଜମ ସହ ଜଡିତ ସମସ୍ୟା ମଧ୍ୟ ଚିନ୍ତାରେ ପକାଇପାରେ । କାରଣ ଗ୍ରୀଷ୍ମଋତୁରେ ହଜମ ନ ହେଲେ ଅନେକ ସ୍ବାସ୍ଥ୍ୟ ସମସ୍ୟା ହୋଇଥାଏ ।
