ହାଇଦ୍ରାବାଦ: ଲୋକେ ଚା'ରୁ ନିଜ ଦିନ ଆରମ୍ଭ କରିଥାନ୍ତି । ଚାହା ପିଇଲେ ଥକ୍କାପଣ ଏବଂ ଚାପ ଦୂର ହୋଇଥାଏ । ତେବେ ଅଧିକାଂଶ ଲୋକ ଚା' ସହ ବିସ୍କୁଟ ଖାଇବା ପସନ୍ଦ କରିଥାନ୍ତି । ସବୁ ବର୍ଗର ଲୋକମାନଙ୍କ ପ୍ରିୟ ଏହି ଚା'-ବିସ୍କୁଟ୍ । କପେ ଚା' ସହ ବିସ୍କୁଟ ମିଳିଗଲେ ଆଉ କିଛି ଆବଶ୍ୟକ ନଥାଏ । କିନ୍ତୁ ଖାଲି ପେଟରେ ଏହାକୁ ଖାଇବା ଏକ ଖରାପ ଅଭ୍ୟାସ । ଦୈନନ୍ଦିନ ଚା' ବିସ୍କୁଟ ଖାଇବା ଦ୍ବାରା ଏହାର ମିଶ୍ରଣ ସ୍ୱାସ୍ଥ୍ୟକୁ କ୍ଷତି ପହଞ୍ଚାଇପାରେ । ଏହି ଖାଦ୍ୟ ମିଶ୍ରଣ ଦ୍ୱାରା ଇନସୁଲିନ୍ ପ୍ରତିରୋଧ, ପେଟର ଚର୍ବି, ଅମ୍ଳତା ଏବଂ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟା ହୋଇପାରେ । ହଜମ ପ୍ରକ୍ରିୟାରେ ବାଧା ସୃଷ୍ଟି ହେବାର ବି ଆଶଙ୍କା ଥାଏ।
ଡାଏଟିସିଆନ୍ ମନପ୍ରୀତ କାଲ୍ରାଙ୍କ ଅନୁଯାୟୀ ବିସ୍କୁଟଗୁଡିକରେ ପ୍ରିଜେରଭେଟିଭ ହୋଇଥାଏ । ଏଥିରେ BHA (Butylated Hydroxyanisole) ଏବଂ BHT (Butylated Hydroxytoluene) ପରି ପ୍ରିଜେରଭେଟିଭ ରହିଥାଏ, ଯାହା DNAକୁ ନଷ୍ଟ କରିବାକୁ କାମ କରେ ।
ବିସ୍କୁଟ୍ରେ ହାଇଡ୍ରୋଜେନେଟେଡ୍ ଉଦ୍ଭିଦ ତେଲ ଥାଏ, ଯାହା ହରମୋନ୍ ଅସନ୍ତୁଳନ ଏବଂ ହୃଦୟ ସମ୍ବନ୍ଧୀୟ ରୋଗ ସୃଷ୍ଟି କରିଥାଏ । ଏହା ହେଉଛି ବିସ୍କୁଟ୍ ସ୍ୱାସ୍ଥ୍ୟ ପାଇଁ କ୍ଷତିକାରକ ବୋଲି ବିବେଚନା କରାଯାଏ ।
ଅଧିକାଂଶ ବିସ୍କୁଟରେ ଚିନି ଅଧିକ ମାତ୍ରାରେ ଥାଏ, ଯାହା ଇନସୁଲିନ୍ ପାଇଁ ବ୍ୟାଘାତ ସୃଷ୍ଟି କରିଥାଏ ଏବଂ ମଧୁମେହ ଏବଂ ଉଚ୍ଚ ରକ୍ତଚାପ ଭଳି ଗୁରୁତର ରୋଗର ଆଶଙ୍କା ବଢାଇଥାଏ ।
ବିସ୍କୁଟରେ ବିଶୋଧିତ ମଇଦା ମଧ୍ୟ ରହିଥାଏ, ଯାହା ହଜମ ପ୍ରକ୍ରିୟାକୁ ମନ୍ଥର କରିଥାଏ ଏବଂ ଅନ୍ତନଳୀରେ ବି ସମସ୍ୟା ସୃଷ୍ଟି କରିଥାଏ । କେବଳ ଏତିକି ନୁହେଁ, ଏଥିରେ ଥିବା ସୋଡିୟମର ପରିମାଣ ମଧ୍ୟ ଅଧିକ । ଏହି କାରଣରୁ ସେଗୁଡିକ ଖାଇବା ଦ୍ୱାରା ରକ୍ତଚାପ ବଢିପାରେ । ଏଣୁ ଚା' ସହ ଖାଇବା ସ୍ୱାସ୍ଥ୍ୟ ପାଇଁ ବିପଦଜନକ ହୋଇପାରେ ।
ଚା' ସହ କିଛି ଖାଇବାକୁ ଚାହୁଁଛନ୍ତି, ତେବେ ଭଜା ଚଣା ଖାଆନ୍ତୁ । କାରଣ ଏହା ଇନସୁଲିନ୍ ନିୟନ୍ତ୍ରଣ କରି ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରିଥାଏ । ଭଜା ଚଣାରେ ବି-କମ୍ପ୍ଲେକ୍ସ ଭିଟାମିନ୍ ଥାଏ, ଯାହା ରୋଗ ପ୍ରତିରୋଧକ ଶକ୍ତି ବଢାଇଥାଏ । ଏହା ବ୍ୟତୀତ ଫାଇବରର ଉପସ୍ଥିତି ହେତୁ ଏହା ହଜମ ପ୍ରକ୍ରିୟାରେ ମଧ୍ୟ ଉନ୍ନତି ଆଣିଥାଏ । ଭଜା ଚଣାରେ ଭଲ ପରିମାଣର କ୍ୟାଲସିୟମ୍ ଏବଂ ମ୍ୟାଗ୍ନେସିୟମ୍ ମଧ୍ୟ ରହିଥାଏ, ଯାହା ହାଡର ଶକ୍ତି ବଜାୟ ରଖିବାରେ ସାହାଯ୍ୟ କରିଥାଏ ।
(ପରାମର୍ଶ କେବଳ ସାଧାରଣ ସୂଚନା ଉପରେ ଆଧାରିତ । ଯଦି ଆପଣଙ୍କର କିଛି ପ୍ରଶ୍ନ ଅଛି ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ)
