ହାଇଦ୍ରାବାଦ: ଯେଉଁ ଛୁଆମାନେ ଶୈଶବ ଅବସ୍ଥାରେ ଅଧିକ ସ୍ତନ୍ୟପାନ କରିଥାଆନ୍ତି, କିଶୋରବସ୍ଥାରେ ସେମାନେ ଭଲ ପାଠ ପଢିଥାଆନ୍ତି । ଏନେଇ ଏକ ରିପୋର୍ଟରେ ପ୍ରକାଶ ପାଇଛି । 16 ବର୍ଷ ବୟସର ଛୁଆଙ୍କୁ ନେଇ ଅଧ୍ୟୟନ କରାଯାଇଥିବା ବେଳେ ଅଧିକ ଦିନ ଧରି ସ୍ତନ୍ୟପାନ କରିଥିବା ଶିଶୁ କମ ଦିନ ସ୍ତନ୍ୟପାନ କରିଥିବା ଶିଶୁଙ୍କ ଠାରୁ ପାଠ ପଢାରେ ଭଲ କରିଥିବା ଦେଖାଯାଇଛି ।
ଏପରିକି ଯେତେବେଳେ ବିଭିନ୍ନ କାରଣ ଯେପରିକି ଲୋକଙ୍କ ସାମାଜିକ ଅର୍ଥନୈତିକ ସ୍ଥିତି ଏବଂ ସେମାନଙ୍କ ପିତାମାତାଙ୍କ ବୁଦ୍ଧି ବିବେଚନା କରାଯାଏ, ଉନ୍ନତ ଶିକ୍ଷାଗତ ଫଳାଫଳର ପ୍ରମାଣ ହୋଇଥାଏ । ପୂର୍ବ ଅନୁସନ୍ଧାନରୁ ଜଣାପଡିଛି ଯେ, ଯେଉଁ ପିଲାମାନେ ଅଧିକ ସମୟ ପର୍ଯ୍ୟନ୍ତ ସ୍ତନ୍ୟପାନ କରାନ୍ତି ସେମାନେ ଜୀବନରେ ଉନ୍ନତ ଶିକ୍ଷାଗତ ଫଳାଫଳ ପାଇଥାନ୍ତି । ତଥାପି, ଏମିତି ଶିଶୁ ଦୁର୍ଲଭ ଦେଖାଯାଆନ୍ତି । କୁହାଯାଏ କି ସାମାଜିକ ଏବଂ ଅର୍ଥନୈତିକ ସ୍ଥିତି ସୁଦୃଢ ଥିବା ବ୍ୟକ୍ତି ବା ବୁଦ୍ଧିମତି ମାତାମାନେ ତାଙ୍କ ଶିଶୁଙ୍କୁ ଦୀର୍ଘ ଦିନ ଧରି ସ୍ତନ୍ୟପାନ କରାଇ ଥାଆନ୍ତି । ସୋମବାର ଏନେଇ ରିପୋର୍ଟ ପ୍ରକାଶ ପାଇଥିଲା।
ରିପୋର୍ଟ ଅନୁସାରେ, 2000ରୁ 2002 ମଧ୍ୟରେ ଜନ୍ମିତ ଶିଶୁମାନଙ୍କୁ ନେଇ ଏହି ଅଧ୍ୟୟନ କରାଯାଇଥିଲା । ପିଲାମାନେ ଯେତେ ଅଧିକ ଦିନ ଧରି ସ୍ତନ୍ୟପାନ କରିବେ ପାଠ ପଢାରେ ସେତିକି ଉନ୍ନତି କରିବା ସହ ପରୀକ୍ଷାରେ ମଧ୍ୟ ଭଲ ନମ୍ବର ରଖିବେ ବୋଲି ଅକ୍ସଫୋର୍ଡ ୟୁନିଭରସିଟିର ନ୍ୟାସନାଲ ପେରିନାଟାଲ ଏପିଡେମିଓଲୋଜି ୟୁନିଟର ଗବେଷକ ରାନୀ ପେରିରା ଏଲିଆସ କହିଛନ୍ତି । ବ୍ରିଟେନରେ 2000ରୁ 2002 ମଧ୍ୟରେ 18 ହଜାର 818 ଶିଶୁ ଜନ୍ମ ହୋଇଥିଲେ । ତେବେ ଅଧ୍ୟୟନରେ ସାମିଲ ହୋଇଥିବା ଶିଶୁମାନେ କେତେଦିନ ଧରି ସ୍ତନ୍ୟପାନ କରିଛନ୍ତି ତାକୁ ନେଇ ବିଭିନ୍ନ ଗ୍ରୁପରେ ଭାଗ କରାଯାଇଥିଲା । କିଛି ପିଲା କିଛି ମାସ, ଅନ୍ୟ କିଥି ଜଣ ବର୍ଷ କିମ୍ବା ତାଠାରୁ କିଛି ମାସ ଅଧିକ କରାଯାଇଥିବା ଦେଖାଯାଇଥିଲା । ତେବେ ଅଧ୍ୟୟନରେ ବିସ୍ଫୋରକ ତଥ୍ୟ ସାମ୍ନାକୁ ଆସିଥିଲା । ବର୍ଷେରୁ ଅଧିକ ସ୍ତନ୍ୟପାନ କରିଥିବା ଶିଶୁ ଗଣିତ ଏବଂ ଇଂରାଜୀରେ 39 ପ୍ରତିଶତ ଅଧିକ ନମ୍ବର ରଖିଥିଲେ । ଯେଉଁମାନେ କିଛିମାସ ସ୍ତନ୍ୟପାନ କରିଥିଲେ ସେମାନେ ସ୍ତନ୍ୟପାନ କରିନଥିବା ଶିଶୁଙ୍କ ଠାରୁ କିଛି ପଏଣ୍ଟରେ ଆଗୁଆ ରହିଥିଲେ ।
16 ବର୍ଷ ବୟସ ବେଳକୁ ଅଧିକ ଦିନ ଧରି ସ୍ତନ୍ୟପାନ କରିଥିବା ଇଂଲଣ୍ଡର ଶିଶୁମାନେ ପାଠ ପଢାରେ ଉନ୍ନତି କରିଥିବା ଅଧ୍ୟୟନରୁ ଜଣାପଡିଥିଲା । ଅବଶ୍ୟ, ଅତ୍ୟଧିକ ପ୍ରଭାବ ପକାଇନଥିଲା କିନ୍ତୁ ସ୍ତନ୍ୟପାନ କରିଥିବା ଶିଶୁ ପାଠ ପଢାରେ ଆଗୁଆ ରହୁଥିବାରୁ ସ୍ତନ୍ୟପାନ କରାଯାଇବା ପାଇଁ ଗୁରୁତ୍ବ ଦେବା ପାଇଁ କୁହାଯାଇଥିଲା।
ବ୍ୟୁରୋ ରିପୋର୍ଟ, ଇଟିଭି ଭାରତ
