ସାନ ଫ୍ରାନ୍ସିସ୍କୋ: ସ୍ନାୟୁଗତ ସମସ୍ୟା ଅପେକ୍ଷା ଅଟିଜିମ୍ ସ୍ପେକ୍ଟ୍ରମ୍ ଡିସଅର୍ଡର (ASD) ଅର୍ଥାତ୍ ମସ୍ତିଷ୍କ ସମସ୍ୟାରେ ଥିବା ଶିଶୁମାନଙ୍କ ମାଆମାନେ ଡିପ୍ରେସନ ବା ଅବସାଦରେ ରହୁଛନ୍ତି(autistic children mother suffer from depression) । ଗତ 18 ମାସ ଧରି କରାଯାଇଥିବା ଏକ ଅନୁସନ୍ଧାନରେ ଜଣାପଡିଛି ଯେ, 50 ପ୍ରତିଶତ ମାଆଙ୍କ ଠାରେ ଏହି ସମସ୍ୟା ଦେଖାଦେଉଛି । ସବୁଠୁ ବଡ କଥା ହେଉଛନ୍ତି ASD(Autism spectrum disorder) ସମସ୍ୟା ଥିବା ପିଲାଙ୍କ ମାଆଙ୍କ ପ୍ରତିଶତ 50 ଥିବାବେଳେ ନ୍ୟୁରୋ ବା ସ୍ନାୟୁଗତ ସମସ୍ୟା ଥିବା ପିଲାଙ୍କ ମାଆଙ୍କ ହାର 6 ରୁ 13.6 ପ୍ରତିଶତ ଥିଲା । ଏନେଇ UCSF(University of California, San Francisco) ଅଗଷ୍ଟ 26 ରେ ପ୍ରକାଶ କରିଥିବା ଏକ ରିସର୍ଚ୍ଚରୁ ସ୍ପଷ୍ଟ ହୋଇଛି ।
ତେବେ ପୂର୍ବରୁ ଉଦାସୀନତା ବା ଡିପ୍ରେସନରେ ରହୁଥିବା ପିତାମାତାଙ୍କ ପ୍ରଭାବ ପିଲାମାନଙ୍କ ମାନସିକ କ୍ଷେତ୍ରରେ କେତେ ରହୁଛି ତାହା ଉପରେ ଅନୁସନ୍ଧାନ କରାଯାଇ ଥିବାବେଳେ ବର୍ତ୍ତମାନ ଏହାର ବିପରୀତ ଅଧ୍ୟୟନ କରାଯାଇଥିଲା । ଯେଉଁଥିରେ ମାଆମାନେ ମଧ୍ୟ ପିଲାମାନଙ୍କ ଶାରୀରିକ ସମସ୍ୟାକୁ ନେଇ ଉଦାସୀନତାର ଶିକାର ହେଉଛନ୍ତି । UCSF ସାଇକିଆଟ୍ରି ଏବଂ ଆଚରଣଗତ ବିଜ୍ଞାନ ଏବଂ ଅଧ୍ୟୟନର ସହକାରୀ ପ୍ରଫେସର ଡାନିଏଲଲେ ରୁବିନୋଭ କହିଛନ୍ତି ଯେ, “ଆମେ ଜାଣିବାକୁ ପାଇଲୁ ଯେ ମାଆମାନଙ୍କର ଉଚ୍ଚ ସ୍ତରର ଉଦାସୀନତା ପିଲାମାନଙ୍କ ଆଚରଣ ସମସ୍ୟାରେ ବୃଦ୍ଧି କରିବାର କୌଣସି ପୂର୍ବାନୁମାନ ନାହିଁ, ଏପରିକି ଅଟିଜିମ ଥିବା ପିଲାଙ୍କ ମଧ୍ୟରେ ମଧ୍ୟ ଅନେକ ଚାପରେ ଅଛନ୍ତି ।“ ଦୁଇଟି ଯାକ ତଥ୍ୟ ଆଶ୍ଚର୍ଯ୍ୟଜନକ ଏବଂ ସ୍ବାଗତଯୋଗ୍ୟ ଥିଲା ବୋଲି ଅନୁସନ୍ଧାନକାରୀ ଡାନିଏଲ କହିଛନ୍ତି ।
ଶରୀରରେ ବିଶେଷ ସମସ୍ୟା ଥିବା ଏକ ଶିଶୁର ପିତାମାତା ହେବା ପ୍ରତ୍ୟେକ ଦିନ ସ୍ବାଭାବିକ ଭାବରେ କଷ୍ଟସାଧ୍ୟ ବୋଲି ମାନସିକ ରୋଗ ଏବଂ ଆଚରଣ ବିଜ୍ଞାନ ବିଭାଗର UCSF ପ୍ରଫେସର ତଥା ଅଧ୍ୟୟନର ବରିଷ୍ଠ ଲେଖକ ଏଲିସା ଏପେଲ କହିଛନ୍ତି । ଏହା କ୍ରନିକ୍ ଚାପର ଏକ କ୍ଲାସିକ୍ ଉଦାହରଣ, ଯେଉଁଥିପାଇଁ ଆମେ ଅଧ୍ୟୟନ କରୁଥିବା ମାଆମାନେ ସାମିଲ ଥିଲେ ।” ଏପେଲ ଆହୁରି ମଧ୍ୟ କହିଛନ୍ତି ଯେ, ଆମେ ଏହି ନମୁନାରୁ ଜାଣିଛୁ ଯେ, ଯେଉଁ ମାଆମାନଙ୍କର ଅଧିକ ଉଦାସୀନତା ଥାଏ, ସେମାନଙ୍କର ଜୈବିକ ବାର୍ଦ୍ଧକ୍ୟର ଲକ୍ଷଣ ଥାଏ, ଯେପରିକି ଆଣ୍ଟି-ଏଜିଙ୍ଗ୍ ହରମୋନ୍ କ୍ଲୋଥୋ ଏବଂ ପୁରାତନ ପ୍ରତିରକ୍ଷା କୋଷର ନିମ୍ନସ୍ତର । ଆମେ ଜାଣିବାକୁ ଚାହୁଁଥିଲୁ ସେମାନଙ୍କର ଉଦାସୀନତା ସେମାନଙ୍କ ପିଲାକୁ କିପରି ପ୍ରଭାବିତ କରୁଛି ।
ASD ସ୍ଥିତି ନିର୍ବିଶେଷରେ, ଅନୁସନ୍ଧାନକାରୀମାନେ ଆବିଷ୍କାର କରିଛନ୍ତି ଯେ, ଶିଶୁଙ୍କ ଆଚରଣ ସମସ୍ୟା ଭବିଷ୍ୟତରେ ମାଆମାନଙ୍କ ଅବସାଦକୁ ଅଧିକ କରିପାରେ । ରୁବିନୋଭ କହିଛନ୍ତି ଯେ, "ମାତୃ ଅବସାଦ ଶିଶୁ ଲକ୍ଷଣକୁ ଖରାପ କରେ ନାହିଁ ବୋଲି ଜାଣିବା ASD ଥିବା ପିଲାମାନଙ୍କର ମାଆମାନଙ୍କ ପାଇଁ ବିଶେଷ ଗୁରୁତ୍ୱପୂର୍ଣ୍ଣ, କାରଣ ଏହା ଅନେକ ଦୋଷକୁ ଦୂର କରିବାରେ ସାହାଯ୍ୟ କରିଥାଏ, ଯାହା ଅନେକ ମାଆ ନିଜ ପିଲାମାନଙ୍କର ନିରାକରଣ ଏବଂ ଆଚରଣ ସମସ୍ୟା ବିଷୟରେ ଅନୁଭବ କରନ୍ତି ।"
ଆମେ ଆଶା କରୁଛୁ ଯେ ଏହି ଅନୁସନ୍ଧାନ ମାଆମାନଙ୍କୁ ଆଶ୍ୱାସନା ଦେବ ଯେ, ଶିଶୁର ଯତ୍ନ ନେବାବେଳେ କିଛି ଉଦାସୀନତା ଅନୁଭବ କରିବା ସ୍ୱାଭାବିକ ଏବଂ ସେମାନଙ୍କର ଉଦାସୀନତା ସେମାନଙ୍କ ପିଲାଙ୍କ ଆଚରଣଗତ ସମସ୍ୟାକୁ ବଢାଇ ନଥାଏ ବୋଲି ରୁବିନୋଭ କହିଛନ୍ତି ।
