ରାଉରକେଲା: ସୁନ୍ଦରଗଡ ଜିଲ୍ଲା ଲାଠିକଟା ବାଲୁଘଟ ନିକଟରେ ଏକ ଯାତ୍ରୀବାହୀ ବସ ଓଲଟି ପଡିଛି । ଫଳରେ ଦୁଇଜଣଙ୍କର ମୃତ୍ୟୁ ହୋଇଥିବା ବେଲେ 17ଜଣ ଆହତ ହୋଇଛନ୍ତି ।
ନିୟନ୍ତ୍ରଣ ହରାଇ ଗଛରେ ପିଟିହେଲା ବସ
ସୂଚନାଅନୁସାରେ, ମା' ତାରିଣୀ ନାମକ ଘରୋଇ ବସଟି ଆଜି(ରବିବାର ) ସକାଳୁ ରାଉରକେଲା ଅଭିମୁଖେ ବାହିରିଥିଲା । ହଠାତ୍ ବସ ଚାଳକ ଜଣକ ନିୟନ୍ତ୍ରଣ ହରାଇବାରୁ ବସଟି ଗୋଟିଏ ଗଛରେ ପିଟି ହୋଇଯାଇଥିଲା । ଫଳରେ ବସଟି ଓଲଟି ପଡିଲା । ଦୁର୍ଘଟଣାରେ ଦୁଇଜଣଙ୍କର ମୃତ୍ୟୁ ହୋଇଥିବା ବେଳେ 17ଜଣ ଆହତ ହୋଇଛନ୍ତି ।
ପୋଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରିଛି । ଆହତମାନଙ୍କ ମଧ୍ୟରୁ ସାତଜଣଙ୍କ ଅବସ୍ଥା ଗୁରୁତର ଥିବା ଡାକ୍ତର କହିଛନ୍ତି । ମୃତକ ଦୁଇଜଣଙ୍କ ମୃତଦେହ ଉଦ୍ଧାର କରି ପୋଲିସ ବ୍ୟବଚ୍ଛେଦ ପାଇଁ ପଠାଇଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
