ରାଉରକେଲା: ନିଶାଡି, ବେପରୁଆ ଗାଡି ଚାଳନା ଓ ବେଆଇନ ପାର୍କିଂକୁ ନିୟନ୍ତ୍ରଣ କରିବା ପାଇଁ ସରକାର ପ୍ରଣୟନ କରିଛନ୍ତି ଅନେକ ଆଇନ। ଏପରିକି ଜୋରିମାନା ସହ କଠୋର ଦଣ୍ଡର ମଧ୍ୟ ବ୍ୟବସ୍ଥା ରହିଛି। ତଥାପି ଲୋକେ ଏହାକୁ ବେଧଡକ ଭାବେ ଉଲଂଘନ କରିବାରେ ଲାଗିଛନ୍ତି। ଯାହାର ଉଦାହରଣ ଦେଖିବାକୁ ମିଳିଛି ରାଉରକେଲା ରେଳ ଷ୍ଟେସନରେ।
ଗୁରୁବାର ବିଳମ୍ବିତ ରାତିରେ ନିଶାସକ୍ତ ଅବସ୍ଥାରେ ଗାଡି ଚଳାଇବା ସହ ରାଉରକେଲା ରେଳଷ୍ଟେସନର ଥିବା କାର ପାର୍କିଂ ଜୋନ୍ରେ ଅନିୟନ୍ତ୍ରିତ ଭାବେ ପଶିଥିଲା ଏକ କାର୍। ତେବେ ଏହି ସ୍ଥାନଟି ଅନେକ ସମୟରେ ବାସହୀନଲୋକ କିମ୍ବା ଯାତ୍ରୀଙ୍କ ପାଇଁ ଆଶ୍ରୟସ୍ଥଳୀ ପାଲଟିଥାଏ। ମାତ୍ର ଗତକାଲି ରାତିରେ ସେ ସ୍ଥାନ ଜନଶୂନ୍ୟ ଥିବାରୁ କାର ଚାଳନାରେ କୌଣସି କ୍ଷୟକ୍ଷତି ହୋଇନାହିଁ।
ଏ ଘଟଣା ସମ୍ପର୍କରେ ଜଣାପଡିବା ପରେ ଗାଡି ଚାଳକ ଓ ତାଙ୍କ ସହଯୋଗୀ ଫେରାର ହେବାକୁ ଉଦ୍ୟମ କରୁଥିଲେ। ଉଭୟ ନିଶାଗ୍ରସ୍ତ ଅବସ୍ଥାରେ ଥିବାରୁ ଫେରାର ହୋଇ ପାରିନଥିଲେ। ଏହା ପରେ ରେଳବାଇ ପୋଲିସ ସେମାନଙ୍କୁ ଅଟକ ରଖିବା ସହ ତାଙ୍କ ଗାଡିକୁ ଜବତ କରି ଏ ମାମଲାର ତଦନ୍ତ କରୁଛି। ଦୁର୍ଘଟଣା ରୋକିବା ପାଇଁ ସରକାର ଅନେକ ଆଇନ ପ୍ରଣୟନ କରିଥିଲେ ମଧ୍ୟ, ଇସ୍ପାତ ନଗରୀରରେ ଘଟିଥିବା ଘଟଣା ସରକାରୀ ନିୟମକୁ ଆଖି ଠାର ମାରିବା ଭଳି ମନେ ହେଉଛି।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
