ପାଖେଇ ଆସୁଛି ହକି ବିଶ୍ବକପ: ଜୋରସୋର ଚାଲିଛି ସହର ସଫେଇ କାର୍ଯ୍ୟ

ପାଖେଇ ଆସୁଛି ହକି ବିଶ୍ବକପ । ଏହାକୁ ଦୃଷ୍ଟିରେ ରଖି ରାଉରକେଲାକୁ କ୍ଲିନ କରିବା ପାଇଁ ପ୍ରଶାସନ ପକ୍ଷରୁ ନିଆଯାଇଛି ପଦକ୍ଷେପ । ଦିନରାତି ସହର ସଫାରେ ଲାଗିଛନ୍ତି ସଫେଇ କର୍ମଚାରୀ । ଅଧିକ ପଢନ୍ତୁ

ରାଉରକେଲା: ସହରରେ ଆୟୋଜିତ ହେବ ହକି ବିଶ୍ୱକପ । ଦେଶ ବିଦେଶରୁ ଛୁଟିବ ଦର୍ଶକଙ୍କ ସୁଅ । ଏହାକୁ ଦୃଷ୍ଟିରେ ରଖି ସହରର ରାସ୍ତା ଘାଟରୁ ଆରମ୍ଭ କରି ଗଳିକନ୍ଦି ସବୁ ଅଞ୍ଚଳକୁ ସୁନ୍ଦର ଭାବରେ ସଫା କରାଯାଉଛି । ସମ୍ପୂର୍ଣ୍ଣ ରାଉରକେଲା ସହରକୁ ସଫାସୁତୁରା କରିବା ପାଇଁ ଲାଗି ପଡିଛନ୍ତି ସଫେଇ କର୍ମଚାରୀ ।

ସକାଳୁସକାଳୁ ରାସ୍ତାଘାଟକୁ ସଫା କରିବା ପାଇଁ ପ୍ରତିଦିନ ଲାଗିଛନ୍ତି ସଫେଇ କର୍ମଚାରୀ । ରାଉରକେଲା ମହାନଗର ନିଗମ ରାଉରକେଲା ସହରକୁ ସ୍ୱଚ୍ଛ ସୁନ୍ଦର କରିବାରେ କୌଣସି ପ୍ରକାର ଅବହେଳା କରୁନାହାନ୍ତି । ଏଥିପାଇଁ ସହରରେ ନିଯୁକ୍ତ ହୋଇଛନ୍ତି ସଫେଇ କର୍ମଚାରୀ । ସ୍ୱଚ୍ଛ ଭାରତ କାର୍ଯ୍ୟକ୍ରମରେ ରାଉରକେଲା ନିଜର ଏକ ଭଲ ପ୍ରତିଛବି ସୃଷ୍ଟି କରିଛି । ଅନ୍ୟପକ୍ଷରେ ରାଉରକେଲା ସହରରେ ଆଗାମୀ ୧୩ ଜାନୁଆରୀରେ ହକି ବିଶ୍ୱକପ ଆୟୋଜନ ହେବ । ଏହାକୁ ନେଇ ରାଉରକେଲାକୁ ନୂଆବୋହୁ ଭଳି ସଜେଇବାରେ ଲାଗିଛି ପ୍ରଶାସନ । ଗଳି, ଫୁଟ୍‌ପାଥ୍‌ ସବୁ ସ୍ଥାନଗୁ଼ଡ଼ିକୁ ସଫା କରୁଛନ୍ତି ଏହି ସଫେଇ କର୍ମଚାରୀ ।

ବର୍ତ୍ତମାନ ହକି ବିଶ୍ୱକପ ଆୟୋଜନ ହେବାକୁ ଥିବାରୁ ସହରରେ କିଭଳି ଅଳିଆ ଆବର୍ଜନା ଏଣେତେଣେ ନପଡ଼ିବ ସେଥିପ୍ରତି ଅଧିକ ଯତ୍ନବାନ ହେଉଛନ୍ତି ଏହି ସଫେଇ କର୍ମଚାରୀ। ରାତିରେ ମଧ୍ୟ ରାସ୍ତା କଡରେ ପଡିଥିବା ଅଳିଆକୁ ସଫା କରିବା ପାଇଁ ପଦକ୍ଷେପ ନିଆଯାଇଛି । ଏକ ସୁପର ଶୋବର ଡଷ୍ଟ୍‌ କ୍ଲିନର୍‌ ଗାଡି ସାହାଯ୍ୟରେ ରାସ୍ତା କଡ଼ର ଅଳିଆକୁ ସଫା କରାଯାଉଛି । ନିଜ ଘର ସଜାଇଲା ଭଳି ରାଉରକେଲା ସହରକୁ ସଫାସୁତୁରା କରିବା ପାଇଁ ଆଗେଇ ଆସି ନୂଆ ରାଉରକେଲା ସହରର ସୌନ୍ଦର୍ଯ୍ୟକୁ ଦ୍ବିଗୁଣିତ କରୁଛନ୍ତି ସଫେଇ କର୍ମଚାରୀ । ତେବେ ରାଉରକେଲା ସହରକୁ ସଫା ସୁତୁରା ରଖୁଥିବାରୁ ନିଜକୁ ଖୁସି ସହ ଗର୍ବ ଅନୁଭବ ହେଉଥିବା କଥା କହିଛନ୍ତି ସଫେଇ କର୍ମଚାରୀ।

ଇଟିଭି ଭାରତ, ରାଉରକେଲା