ସୁନ୍ଦରଗଡ: ଜିଲ୍ଲା ବଡଗାଁ ଥାନା ଅନ୍ତର୍ଗତ କୁସ୍ତୁନାରେ ସଡକ ଦୁର୍ଘଟଣା । ଠିଆ ହୋଇଥିବା ଟ୍ରକକୁ ପଛପଟୁ ପିଟିଲା ଆଉ ଏକ ଟ୍ରକ । ଘଟଣାରେ ପଛପଟୁ ପିଟିଥିବା ଚାଳକର ମୃତ୍ୟୁ ହୋଇଛି । ମୃତକର ନାଁ ଗୀତାଲାଲ ପଟେଲ । ସେ ଛତିଶଗଡ ରାଜ୍ୟର ବୋଲି ବଡଗାଁ ପୋଲିସ ପକ୍ଷରୁ ସୂଚନା ମିଳିିଛି ।
ତେବେ କେତେବେଳେ ଏହି ଘଟଣା ଘଟିଛି ତାହା ଜଣାପଡିନାହିଁ । କେତେକ ପଥଚାରୀ ଟ୍ରକ ମଧ୍ୟରେ ଟ୍ରକ ଚାଳକ ଝୁଲନ୍ତା ଅବସ୍ଥାରେ ଥିବା ନେଇ ବଡଗାଁ ପୋଲିସକୁ ସୂଚନା ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଅଗ୍ନିଶମ ବିଭାଗ ସହାୟତାରେ ଗ୍ୟାସ କଟର ଦ୍ୱାରା ଉଦ୍ଧାର କରି ବ୍ୟବଛେଦ ପାଇଁ ସୁନ୍ଦରଗଡ ହସପିଟାଲ ପଠାଇବା ସହ ଉଭୟ ଗାଡିକୁ ଜବତ କରି ଅଧିକ ତଦନ୍ତ ଜାରି ରଖିଛି ।
ସୁନ୍ଦରଗଡରୁ ହରିହର ଦାସମହାପାତ୍ର, ଇଟିଭି ଭାରତ
