ରାଉରକେଲା: ସହିଦଙ୍କୁ ସମ୍ମାନ । ଆଜି( ମଙ୍ଗଳବାର) ଦିଲ୍ଲୀରେ ଆୟୋଜିତ କାର୍ଯ୍ୟକ୍ରମରେ ରାଜଗାଙ୍ଗପୁରର ସହିଦ ପ୍ରଦୀପ ପଣ୍ଡାଙ୍କ ପତ୍ନୀ ମିନତି ପଣ୍ଡାଙ୍କୁ ରାଷ୍ଟ୍ରପତି କୀର୍ତ୍ତି ଚକ୍ର ସମ୍ମାନ ପ୍ରଦାନ କରିଛନ୍ତି । ଏହି ସମ୍ମାନ ଗ୍ରହଣ କରିବା ପରେ ବେଶ କିଛି ସମୟ ଭାବୁକ ହୋଇଯାଇଥିଲେ ସହିଦଙ୍କ ପତ୍ନୀ ।
ଗତ 2017 ମସିହା ଡିସେମ୍ବର 31 ତାରିଖରେ ଆତଙ୍କବାଦୀଙ୍କ ଆକ୍ରମଣରେ ପ୍ରଦୀପ ପଣ୍ଡା ସହିଦ ହୋଇଥିଲେ । ଆଜି ରାଷ୍ଟ୍ରପତି ଭବନରେ ସହିଦଙ୍କ ପତ୍ନୀଙ୍କୁ ରାଷ୍ଟ୍ରପତି ସମ୍ମାନିତ କରିଥିଲେ । ରାଷ୍ଟ୍ରପତିଙ୍କ ଠାରୁ ସମ୍ମାନ ଗ୍ରହଣ ସମୟରେ ସେ କିଛି ସମୟ ପାଇଁ ଭାବୁକ ହୋଇପଡିଥିଲେ । ଅନ୍ୟପଟେ ଓଡିଆ ବୀର ପୁଅକୁ ସମ୍ମାନିତ କରାଯିବା ପରେ ସମଗ୍ର ରାଜ୍ୟରେ ଖୁସିର ଲହରୀ ଖେଳିଯାଇଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
