ସୁନ୍ଦରଗଡ: ଏନଟିପିସି କୋଭିଡ ହସପିଟାଲରେ ବ୍ୟାପକ ଅବ୍ୟବସ୍ଥା ନେଇ ଅଭିଯୋଗ ଆଣିଲା ୱେଷ୍ଟର୍ଣ୍ଣ ଓଡିଶା ଯୁବ ମଞ୍ଚ । କୋଭିଡ ହସ୍ପିଟାଲରେ ରୋଗୀଙ୍କୁ ସଠିକ ଚିକିତ୍ସା କରାଯାଉନଥିବା, ରୋଗୀଙ୍କ ପରିବାରକୁ ରୋଗୀଙ୍କ ସ୍ଥିତି ସଂପର୍କରେ ସୂଚନା ମିଳୁନଥିବା, ଡାକ୍ତରଖାନାରେ ଆବଶ୍ୟକ ସଂଖ୍ୟକ ଡାକ୍ତର ନଥିବା, ଅକ୍ସିଜେନ ବ୍ୟବସ୍ଥାରେ ତୃଟି ଓ ସଠିକ ସମୟରେ ଅକ୍ସିଜେନ ରୋଗୀଙ୍କୁ ମିଳୁନଥିବା ପରି ଅଭିଯୋଗକୁ ନେଇ ଶୁକ୍ରବାର ୱେଷ୍ଟର୍ଣ୍ଣ ଓଡିଶା ଯୁବ ମଞ୍ଚ ଜିଲ୍ଲାପାଳଙ୍କ ନିକଟରେ ପହଞ୍ଚିଛି ।
ତେବେ ଜିଲ୍ଲାପାଳ ଭିଡିଓ କନଫରେନ୍ସିଂରେ ଥିବାରୁ ଅତିରିକ୍ତ ଜିଲ୍ଲାପାଳଙ୍କୁ ଏନେଇ ଅବଗତ କରିବା ସହ ସମସ୍ୟାର ଆଶୁ ସମାଧାନ ନେଇ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସ୍ମାରକ ପତ୍ର ଅତିରିକ୍ତ ଜିଲ୍ଲାପାଳ ବିଶ୍ବଜିତ ମହାପାତ୍ରଙ୍କୁ ପ୍ରଦାନ କରିଛି । ରୋଗୀ ଓ ରୋଗୀଙ୍କ ପରିବାର ଲୋକେ ଏନେଇ ୱେଷ୍ଟର୍ଣ୍ଣ ଓଡିଶା ଯୁବ ମଞ୍ଚ ଜଣାଇବାରୁ ମଞ୍ଚ ତରଫରୁ ଜିଲ୍ଲାପାଳଙ୍କୁ ଅବଗତ କରାଇବାକୁ ଜିଲ୍ଲାପାଳଙ୍କ ନିକଟରେ ପହଞ୍ଚିଥିଲେ ଯୁବ ମଞ୍ଚର ସଦସ୍ୟ ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
