ସୁନ୍ଦରଗଡ: ଜିଲ୍ଲା ସହର ବ୍ଲକ ବିରବିରା ତଳସରାରେ ମାଆ ଓ ଶିଶୁପୁତ୍ର ନିଖୋଜ । ତଳସରାର ଗ୍ରାମର ବିନୟ ମାଝୀ ନାମକ ଜଣେ ବ୍ୟକ୍ତିଙ୍କ ପତ୍ନୀ ଦେବକୀ ମାଝୀ ଓ ତାଙ୍କ 5 ବର୍ଷର ଶିଶୁପୁତ୍ର ନିଖୋଜ ଅଛନ୍ତି । ଏନେଇ ବିନୟ ଗତ 7 ତାରିଖରେ ଧରୁଆଡିହି ଥାନାରେ ଲିଖିତ ଅଭିଯୋଗ କରିଛନ୍ତି ।
ବିନୟ ତାଙ୍କ ପତ୍ନୀ ଓ ଛୁଆକୁ କେହି ଦୁର୍ବୃତ୍ତ ନେଇଯାଇଛି କିମ୍ବା ସେମାନେ ଘରୁ ପଳାଇଥିବା ନେଇ ବିନୟ ଥାନାରେ ଲିଖିତ ଅଭିଯୋଗ କରିଥିବାବେଳେ ଶୁକ୍ରବାର ତାଙ୍କ ସ୍ତ୍ରୀଙ୍କ ଫେସବୁକ ଫ୍ରେଣ୍ଡଙ୍କ ଫଟୋ ଓ ତାଙ୍କ ମୋବାଇଲ ଫୋନ ନମ୍ବର ପୋଲିସକୁ ଦେଇଛନ୍ତି । ତେବେ ମହିଳା ଜଣକ ସେହି ଫେସବୁକ ଫ୍ରେଣ୍ଡ ଜଣଙ୍କ ସାଙ୍ଗର ଚାଲିଯାଇଥିବା ସନ୍ଦେହ କରାଯାଉଛି । ପୋଲିସ ବିନୟଙ୍କ ଠାରୁ କେତେକ ସମ୍ଭାବ୍ୟ ଫୋନ ନମ୍ବର, ଦେବକୀ ଓ ତାଙ୍କ ପୁଅଙ୍କ ଫଟୋ ନେଇ ଏକ ନିଖୋଜ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି । ଧରୁଆଡିହି ପୋଲିସ ବାଲେଶ୍ୱର, ଖୋର୍ଦ୍ଧା, ରାଉରକେଲା, ସମ୍ବଲପୁର, କେନ୍ଦୁଝର, ସୁନ୍ଦରଗଡ ଓ ଝାରସୁଗୁଡା ପୋଲିସକୁ ଏ ସମ୍ପର୍କରେ ଭି.ଏଚ୍.ଏଫ ମାଧ୍ୟମରେ ସୂଚନା ଦେଇ ତଦନ୍ତ ଚାଲୁ ରଖିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
