ରାଉରକେଲା: ସରକାରୀ ଡାକ୍ତରଙ୍କୁ ହତ୍ୟା ଧମକ । ଆଜି ରାଉରକେଲା ସହରର ସରକାରୀ ଡାକ୍ତରଖାନାରେ କାର୍ଯ୍ୟରତ ଡାକ୍ତରଙ୍କୁ ଦୁୁର୍ବ୍ୟବହାର ଅଭିଯୋଗ । ଏହାକୁ ନେଇ ସମ୍ପୂର୍ଣ୍ଣ ଭୟଭୀତ ଡାକ୍ତର ଜଣକ । ଆଜି ସହରରେ ଜଣେ ଯୁବକଙ୍କ ଉପରେ ଗୁଳି ମାଡ ହୋଇଥିଲା । ଫଳରେ ଉକ୍ତ ଯୁବକଙ୍କୁ ସହରର ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଏହା ପରେ ଉକ୍ତ ଯୁବକଙ୍କ ସମ୍ପର୍କୀୟମାନେ ସଠିକ ଡାକ୍ତରଖାନାରେ ପହଞ୍ଚି ଡାକ୍ତରଙ୍କୁ ଦୁୁର୍ବ୍ୟବହାର କରିଥିଲେ । ଡାକ୍ତର ଜଣକ ଥାନାରେ ଲିଖିତ ଅଭିଯୋଗ କରିଛନ୍ତି ।
ଏହା ମଧ୍ୟ ପଢନ୍ତୁ...ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ତୁମୁଳକାଣ୍ଡ; ଆମ୍ବୁଲାନ୍ସ ଆସିବାରେ ବିଳମ୍ବ ପାଇଁ ଡାକ୍ତରଙ୍କୁ ଆକ୍ରମଣ, ହସ୍ପିଟାଲରେ ଭଙ୍ଗାରୁଜା
ସୂଚନା ଯୋଗ୍ୟ ଆଜି ରାଉରକେଲା ଉପକଣ୍ଠ ବିଶ୍ରା ଅଞ୍ଚଳରେ ଜଣେ ଯୁବକ ମହମ୍ମଦ ଇରଫାନ ଉପରକୁ ହୋଇଥିଲା ଗୁଳିକାଣ୍ଡ । ବିଶ୍ରା ଥାନା ଚେକ୍ଗେଟ୍ ନିକଟରେ ହୋଇଥିଲା ଏହି ଗୁଳିକାଣ୍ଡ । ୨ ଜଣ ଦୁର୍ବୃତ୍ତ ଆସି ଯୁବକଙ୍କୁ ଗୁଳି ମାଡ଼ କରି ଫେରାର ହୋଇଯାଇଥିଲେ । ତେବେ ଗୁଳିକାଣ୍ଡ ପରେ ଯୁବକଙ୍କୁ ପ୍ରଥମେ ରାଉରକେଲା ସରକାରୀ ହସ୍ପିଟାଲରେ ପ୍ରାଥମିକ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ଏହି ସମୟରେ ଯୁବକଙ୍କ ସହ ଆସିଥିବା କିଛି ସମ୍ପର୍କୀୟ ଯୁବକମାନେ ଡାକ୍ତରଙ୍କ ରୁମ୍କୁ ଧସେଇ ପଶିଥିଲେ ଏବଂ ତାଙ୍କୁ ଅସଭ୍ୟ ଭାଷାରେ ଗାଳିସ ଗୁଲଜ କରିଥିଲେ । ଡାକ୍ତର ଯଥା ସମ୍ଭବ ଯୁବକଙ୍କୁ ଚିକିତ୍ସା କରିଥିଲେ । ଯୁବକଙ୍କ ପ୍ରାଥମିକ ଚିକିତ୍ସା କରାଯାଇଥିଲା । ଯୁବକଙ୍କ ଅବସ୍ଥା ଗୁରୁତର ହେବାରୁ ସହରର ଜୟପ୍ରକାଶ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା ।
ଏହା ମଧ୍ୟ ପଢନ୍ତୁ...ଦିଗପହଣ୍ଡି ଓ କଟକରେ ରେଡ୍: ଅସଲି ରୋଗୀ ଦେଖୁଥିଲେ ନକଲି ଡ଼ାକ୍ତର, ପୂର୍ବରୁ ବାନ୍ଧିଥିଲା ତେଲେଙ୍ଗାନା ପୋଲିସ
ଏହି ଘଟଣାରେ ଡାକ୍ତର ଜଣକ ଦୁୁର୍ବ୍ୟବହାର ଶିକାର ହୋଇଥିବା ନେଇ ପୋଲିସ ନିକଟରେ ଅଭିଯୋଗ କରିଛନ୍ତି । ତେବେ ଡାକ୍ତରଙ୍କୁ ହାଣିଦେବା ଏବଂ କାଟିଦେବା ନେଇ ଧମକ ଦେଇଥିଲେ । ତେବେ ଡାକ୍ତରଙ୍କ ସହ କିଭଳି ଅସଭ୍ୟ ଭାଷା ବ୍ୟବହାର କରୁଛନ୍ତି ଯୁବକ ମାନେ । ଯେତେବେଳେ ଡାକ୍ତର ଜଣକ ଲୋକଙ୍କୁ ନିଜର କର୍ତ୍ତବ୍ୟ ବୋଲି କହି ଯଥା ସମ୍ଭବ ଚିକିତ୍ସା କରିବା ପରେ ମଧ୍ୟ କାହିଁକି ଆମ ଡାକ୍ତରମାନଙ୍କ ସହ ଏଭଳି ବ୍ୟବହାର ହେଉଛି । ବୋଲି ଡାକ୍ତର ପ୍ରଶ୍ନ କରିଛନ୍ତି । ଡାକ୍ତର ଜଣକ କହିଛନ୍ତି, "ରାଉରକେଲା ସରକାରୀ ହସ୍ପିଟାଲରେ ବର୍ତ୍ତମାନ ଚିକିତ୍ସା ଦେବାକୁ ଭୟ ଲାଗୁଛି ଏବଂ ଏଠାରେ ଆମେ ଦାବି କରିଛୁ ଆମକୁ ସୁରକ୍ଷା ଯୋଗାଇ ଦିଆଯାଉ । ଯେଉଁ ପୋଲିସ ଅଫିସର ଜଣକ ତାଙ୍କ ସହ ଆସିଥିଲେ ସେ କୌଣସି କାମକୁ ନୁହେଁ ।"
ଇଟିଭି ଭାରତ,ରାଉରକେଲା
