ସୁନ୍ଦରଗଡ: ସ୍ବାମୀ ସାଜିଲା ସଇତାନ । ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ । ସୁନ୍ଦରଗଡ ଜିଲ୍ଲା ହାତୀବାରୀ ଥାନା ନୂଆଁ ଗାଁ ବ୍ଲକ ଯୋକେତା ଗ୍ରାମରେ ଘଟିଛି ଏହି ବର୍ବର କାଣ୍ଡ । ମୃତକ ସେହି ଗ୍ରାମର ବିଚା ଓରାମଙ୍କ ସ୍ତ୍ରୀ ଭିନସାରୀ ଓରାମ । ଘରୋଇ କଳହକୁ କେନ୍ଦ୍ର ଏହି ହତ୍ୟାକାଣ୍ଡ ଘଟିଥିବା ପୋଲିସ ସୂଚନା ଦେଇଛି ।
ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ
ଖବର ପାଇ ବୀରମିତ୍ରପୁର ଏସଡିପିଓ ଜଗବନ୍ଧୁ ସାମଲ ଓ ହାତୀବାରୀ ଥାନା ଅଧିକାରୀ ଲକ୍ଷ୍ମୀଧର ପ୍ରଧାନ ସଦଳବଳେ ଘଟଣାସ୍ଥଳରେ ପହଞ୍ଚିଛନ୍ତି । ଅଭିଯୁକ୍ତ ସ୍ବାମୀକୁ ଗିରଫ କରାଯିବା ସହ ମହିଳାଙ୍କ ମୃତଦେହ ଏବଂ ହତ୍ୟାକାଣ୍ଡରେ ବ୍ୟବହୃତ ଟାଙ୍ଗିଆକୁ ପୋଲିସ ଜବତ କରିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
