ରାଉରକେଲା: ପୁରୁଷ ହକି ବିଶ୍ବକପରେ ଭାରତ ପଦକ ଦୌଡରୁ ବାଦ ପଡିଛି । ହେଲେ ଏହା ଫ୍ୟାନ୍ସଙ୍କ ଉପରେ ପ୍ରଭାବ ପକାଇ ନାହିଁ । ଭାରତ ଶ୍ରେଷ୍ଠ ଦଳ ଥିଲା ଅଛି ରହିବ ଏମିତି କିଛି କହିଛନ୍ତି ହକିପ୍ରେମୀ । ବିର୍ସାମୁଣ୍ଡା ଷ୍ଟାଡିୟମରେ ଅନୁଷ୍ଠିତ କ୍ଲାସିଫିକେସନ ମ୍ୟାଚରେ ଭାରତ ଜାପାନଠୁ ଦମଦାର ବିଜୟ ହାସଲ କରିଛି । କ୍ରସଓଭମ ମୁକାବିଲାର ତ୍ରୁଟି ସୁଧାରି ଏକ ଜବରଦସ୍ତ କମବ୍ୟାକ କରିଛି ଭାରତ । କ୍ଲାସିଫିକେସନ ମ୍ୟାଚ ଦେଖିବାକୁ ଆସିଥିବା ଦର୍ଶକ ଫଳାଫଳକୁ ନେଇ ଖୁସି ବ୍ୟକ୍ତ କରିଛନ୍ତି । ଭାରତୀୟ ଦଳକୁ ପ୍ରଶଂସା କରିବା ସହିତ ପଇସା ବସୁଲ ମ୍ୟାଚ ଥିବା କହିଛନ୍ତି ଦର୍ଶକ ।
ଜାପାନ ଦଳକୁ ଏକ ପାଖିଆ ଧୂଳି ଚଟାଇଛି ଭାରତୀୟ ହକି ଦଳ। ପୋଜିସନିଂ ମ୍ୟାଚରେ ଜାପାନକୁ ୮-୦ ଗୋଲରେ ପରାସ୍ତ କରି ଭାରତର ଦମଦାର ବିଜୟ ହାସଲ କରିିଛି । ଯାହାକୁ ନେଇ ପ୍ରଶଂସକଙ୍କ ଗହଣରେ ଖୁସିର ମାହୋଲ ଦେଖିବାକୁ ମିଳିଛି । ରାଉରକେଲା ବିର୍ସା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମରେ ଭାରତ ଓ ଜାପାନ ମଧ୍ୟରେ ଏକ ପାଖିଆ ମ୍ୟାଚ ଦେଖିବାକୁ ମିଳିଥିଲା । ତେବେ ନିର୍ଦ୍ଧାରିତ ସମୟ ମଧ୍ୟରେ ଭାରତୀୟ ହକି ଦଳ ମୋଟ 8 ଟି ଗୋଲ୍ କରିଥିଲା ଏବଂ ଅନ୍ୟ ପକ୍ଷରେ ଜାପାନ ହକି ଦଳ ଗୋଲ କରିବାରେ ବିଫଳ ହୋଇଥିଲା । ଭାରତୀୟ ଦଳ ପ୍ରଥମରୁ ଅଟାକ କରିବା ଆରମ୍ଭ କରିଥିଲା ଏବଂ ଏହାର କାଉଣ୍ଟର ଅଟାକ କରିବା ଆରମ୍ଭ କରିଥିଲା ଜାପାନ ଦଳ ତେବେ ଠିକ ସମୟରେ ନିଜର ରଣନୀତି ପରିବର୍ତ୍ତନ କରି ଭାରତୀୟ ଦଳ ଜୋରଦାର ଖେଳ ପ୍ରଦର୍ଶନ କରିଛି ।
ଫଳରେ ଏହି ହାଇଭୋଲଟେଜ ମ୍ୟାଚରେ ଭାରତୀୟ ଦଳ ବିଜୟୀ ରହିଛି । ତେବେ ଭାରତୀୟ ହକି ଦଳର ପ୍ରଦର୍ଶନକୁ ବେଶ ଉପଭୋଗ କରିଛନ୍ତି ଦର୍ଶକ । ଭାରତ ବିଶ୍ୱକପ ଦୌଡ଼ରୁ ବାହାରି ଥିଲେ ମଧ୍ୟ ନିଜର ଚମତ୍କାର ଖେଳ ପ୍ରଦର୍ଶନ କରି ବିଜୟୀ ହୋଇଛି ଏବଂ ସମସ୍ତ ଦର୍ଶକଙ୍କ ମନ ଜିତିଥିଲା ଭାରତୀୟ ହକି ଦଳ। କଡା ଟକ୍କର ଦେଇ ଏକ ପାଖିଆ ବିଜୟୀ ହୋଇ ଥିବାରୁ ଖୁସି ବ୍ୟକ୍ତ କରିଛନ୍ତି ପ୍ରଶଂସକ ତେବେ ଏନେଇ ଭାରତୀୟ ପ୍ରଶଂସକଙ୍କ ସହ ଅଧିକ ଆଲୋଚନା କରିଥିଲେ ଆମ ରାଉରକେଲା ସମ୍ବାଦଦାତା ସ୍ମୃତିରଞ୍ଜନ ବେହେରା । ମ୍ୟାଚକୁ ନେଇ ପ୍ରତିଟି ପ୍ରଶଂସକ ଖୁସି ପ୍ରକାଶ କରିଥିଲେ । କଳିଙ୍ଗ ଷ୍ଟାଡିୟମରେ ଆଜି ସେମିଫାଇନାଲ ମ୍ୟାଚ ଖେଳାଯିବ ।
ଇଟିଭି ଭାରତ, ସୁନ୍ଦରଗଡ
