ରାଉରକେଲା : ନକଲି ମସଲା ଜବତ । ଏକ ଭଡାଘରେ ନକଲି ମସଲା ପ୍ରସ୍ତୁତ କରି ବଜାରକୁ ଛାଡୁଥିଲେ । ବିଭିନ୍ନ ନାମୀଦାମୀ ବ୍ରାଣ୍ଡର ମସଲା ବିପୁଳ ପରିମାଣରେ ଜବତ କରିଛି ରାଉରକେଲା ମହାନଗର ନିଗମ ସ୍ବାସ୍ଥ୍ୟ ବିଭାଗ ।
ରାଉରକେଲା ସିଭିଲ ଟାଉନସିପ ଅଞ୍ଚଳ ବ୍ୟାଙ୍କ ଅଫ ଇଣ୍ଡିଆ ସମ୍ମୁଖରେ ଏକ ଘରେ ରାଉରକେଲା ମହାନଗର ନିଗମ ସ୍ବାସ୍ଥ୍ୟ ବିଭାଗ ପକ୍ଷରୁ ଚଢ଼ାଉ କରାଯାଇ ବିପୁଳ ପରିମାଣର ନକଲି ମସଲା ଜବତ କରାଯାଇଛି । ଏହି ମସଲା ପ୍ରସିଦ୍ଧ 'ଗୃହସ୍ଥୀ 'ମସଲା ବ୍ରାଣ୍ଡର ଏବଂ ସବୁ ପ୍ୟାକେଟ ସମୟ ଅବଧି ସରିଯାଇଛି । MG ଏଣ୍ଟରପ୍ରାଇଜେସ ନାମକ ଏହି ସଂସ୍ଥା ସିଭିଲ ଟାଉନସିପର ଏସ- 5 ଘରର ଦୁଇଟି ରୁମରେ ମସଲା ରଖିଥିଲା। ସ୍ବାସ୍ଥ୍ୟ ବିଭାଗ ସମସ୍ତ ମସଲା ଜବତ କରିବା ସହ ଅଧିକ ତଦନ୍ତ ଚଳାଇଛନ୍ତି । ଏହି ମସଲା ଗୃହସ୍ଥୀ କମ୍ପାନୀର ଅଥବା କମ୍ପାନୀର ବ୍ରାଣ୍ଡ ଲଗାଇ ଖୁଚୁରା ମାର୍କେଟରେ ସପ୍ଲାଇ କରୁଥିଲା ତାର ତଦନ୍ତ ଚାଲିଛି । ତେବେ ଏହି ଗୋଦାମର ମାଲିକ ଚଢାଉ ପରେ ଫେରାର ହୋଇଯାଇଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
