ସୁନ୍ଦରଗଡ: ଜିଲ୍ଲା କାଦୋବାହଲ ଭଦ୍ରାଟୋଲିରେ ବିଭତ୍ସ ହତ୍ୟାକାଣ୍ଡ । ବୃଦ୍ଧ ଦମ୍ପତ୍ତିଙ୍କୁ ହତ୍ୟା କରି ଚମ୍ପଟ ମାରିଲେ ଦୁର୍ବୃତ୍ତ । ଗତକାଲି ରାତିରେ କିଛି ଦୁର୍ବୃତ୍ତ ଘରେ ବୃଦ୍ଧ ଦମ୍ପତିଙ୍କ ଘରେ ପଶି ଏଭଳି ବୃଦ୍ଧ ଦମ୍ପତ୍ତିଙ୍କୁ ବିଭତ୍ସ ଭାବେ ହତ୍ୟା କରିଥିବା ଜଣାପଡିଛି । ମୃତ ଦମ୍ପତି ହେଉଛନ୍ତି ଲୋହିଆ ପଧୁଆର ବୟସ( 65) ତାଙ୍କ ସ୍ତ୍ରୀ ଲୋଧୀ ପଧୁଆର ବୟସ (60) ।
ଏନେଇ ଅଭିଯୋଗ ପରେ ପୋଲିସ ତଦନ୍ତ ଆରମ୍ଭ କରିଛି । ତେବେ କେଉଁ କାରଣକୁ କେନ୍ଦ୍ର କରି ଦୁର୍ବୃତ୍ତମାନେ ଏଭଳି ହତ୍ୟାକାଣ୍ଡ ଘଟାଇଲେ ସେନେଇ କିଛି ସୂଚନା ମିଳିପାରିନାହିଁ । ସମସ୍ତ ଦିଗରୁ ତଦନ୍ତକୁ କଡାକଡି କରାଯାଉଥିବା କହିଛନ୍ତି ସୁନ୍ଦରଗଡ ଏସପି ସାଗରିକା ନାଥ । ତେବେ ଏହି ଘଟଣାର ସମସ୍ତ ତଦନ୍ତ ବୀରମିତ୍ରପୁର ଏସଡିପିଓ ମାନସ ରଞ୍ଜନ ପ୍ରଧାନଙ୍କ ସୁପରଭିଜନରେ ରାଏବଗା ଥାନା ଅଧିକାରୀ ଅର୍ପିତା ଖଟୁଆ କରୁଥିବା ଜଣାପଡିଛି । ଅପରପକ୍ଷେ ଫରେନସିକ ଟିମକୁ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଥିବା କହିଛନ୍ତି ଏସପି ସାଗରିକା ନାଥ ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
