ସୁନ୍ଦରଗଡ:ଜିଲ୍ଲାର ଟାଙ୍ଗରପାଲି ବ୍ଲକର ପାତକିଯୋର, ଖୁଣ୍ଟଗାଁ ଓ ବନ୍ଧପାଲିରେ ଅବକାରୀ ବିଭାଗ ଚଢାଉ କରି 3 ଚୋରା ମଦ ବେପାରୀଙ୍କୁ ଗିରଫ କରିବା ସହ ଲକ୍ଷାଧିକ ଟଙ୍କାର ଚୋରା ମଦ ଓ ନକଲି ମଦ ପ୍ୟାକିଂ କରିବା ଉପକରଣ ଓ ଗୋଟିଏ ରେଫ୍ରିଜିରେଟର ଜବତ କରିଛି।
ସୁନ୍ଦରଗଡର ବିଭିନ୍ନ ସ୍ଥାନରେ ଅବକାରୀ ବିଭାଗର ରେଡ୍: ନକଲି ମଦ ଜବତ 3 ଗିରଫ
ଗିରଫ ଅଭିଯୁକ୍ତମାନେ ହେଲେ ଅଜିତ ଓରାମ, ପଙ୍କଜ କୁମାର ଓ ଚୌଧୁରୀ ମୁଣ୍ଡା। ଅବକାରୀ ବିଭାଗ ଅଭିଯୁକ୍ତ ମାନଙ୍କ ନିକଟରୁ ବିଭିନ୍ନ ବ୍ରାଣ୍ଡର ମୋଟ 3348ଟି ମଦ ବୋତଲ ଜବତ କରିବା ସହ କେତେକ ଷ୍ଟିକର ଜବତ କରିଛି। ଅଭିଯୁକ୍ତ ଅଜିତ ଓରାମ ଓ ଚୌଧୁରୀ ମୁଣ୍ଡାର ଘର ସୁନ୍ଦରଗଡ ଜିଲ୍ଲାରେ ହୋଇଥିବାବେଳେ ପଙ୍କଜ କୁମାର ଝାଡଖଣ୍ଡ ରାଜ୍ୟର ବୋଲି ଅବକାରୀ ବିଭାଗ କହିଛି।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
