ସୁନ୍ଦରଗଡ଼: ଆସନ୍ତା 23 ତାରିଖ ସାରା ଦେଶ ପାଇଁ ହେବ ଏକ ସ୍ମରଣୀୟ ଦିବସ । ଶହୀଦ ଭଗତ ସିଂ , ରାଜଗୁରୁ ଓ ଶୁଖଦେବଙ୍କ ବଳିଦାନକୁ ଚିର ସ୍ମରଣୀୟ କରିବା ପାଇଁ ଇନଫା ( Integrated Forum of Artists & Activists(INFAA)ଆରମ୍ଭ କରିଛି ରକ୍ତଦାନ ଶିବର ଓ ରକ୍ତ ସଂଗ୍ରହ କାର୍ଯ୍ୟକ୍ରମ । ସୁନ୍ଦରଗଡ ଜିଲ୍ଲାରେ ଏନେଇ ସେ ସରକାରୀ ମହାବିଦ୍ୟାଳୟ ଓ ରାଉରକେଲା ଛେଣ୍ଡ ସ୍ଥିତ ହୃଷିକେଶ ରାୟ ମହାବିଦ୍ୟାଳୟକୁ ରକ୍ତଦାନ ଶିବର ଭାବେ ଚୟନ କରିଛି ।
ଗତକାଲି(ଶନିବାର) ଏକ ପ୍ରେସ ମିଟରେ ଇନଫାର ଜିଲ୍ଲା ସଂଯୋଜକ ସୂଚନା ଦେଇଛନ୍ତି । ଆସନ୍ତା ମାର୍ଚ୍ଚ 23 ତାରିଖରେ ରାଷ୍ଟ୍ରପତି କେନ୍ଦ୍ରରେ ଓ ରାଜ୍ୟପାଳ ଓଡିଶା ରାଜ୍ୟରେ ଏହାର ଶୁଭ ଉଦ୍ଘାଟନ କରିବେ । ସାରା ଦେଶରେ ସେ ଦିନ 1500 ଶିବିର ହେବାକୁ ଥିବାବେଳେ 90000 ୟୁନିଟ୍ ରକ୍ତ ସଂଗ୍ରହ କରିବାକୁ ଏହି ସଂସ୍ଥା ଲକ୍ଷ୍ୟ ରଖିଛି । ତେବେ ସମସ୍ତ ବ୍ୟବସ୍ଥା କୋଭିଡ ନିୟମାନୁସାରେ ହେବ ବୋଲି ସେ କହିଛନ୍ତି ।
ଏହି ସାମ୍ବାଦିକ ସମ୍ମିଳନୀ ସୁନ୍ଦରଗଡ ସରାକରୀ ମହାବିଦ୍ୟାଳୟରେ ହୋଇଥିବାବେଳେ ଏହି ସମ୍ମିଳନୀରେ ମହାବିଦ୍ୟାଳୟର ଅଧ୍ୟକ୍ଷ ଯୋଗଦେଇ କଲେଜ ତରଫରୁ ସମସ୍ତ ସହଯୋଗ କରାଯିବ ବୋଲି ସ୍ପଷ୍ଟ କରିଛନ୍ତି ।
ସୁନ୍ଦରଗଡ଼ରୁ ହରିହର ଦାସ ମହାପାତ୍ର, ଇଟିଭି ଭାରତ
