ରାଉରକେଲା: ପ୍ରତିବନ୍ଧିତ ଗୋମାଂସ ଚାଲାଣକୁ ନେଇ ରାଉରକେଲା ପାନପୋଷ ଅଞ୍ଚଳରେ ଉତ୍ତେଜନା ଦେଖାଦେଇଛି । ରବିବାର ସକାଳେ ଏକ ଗାଡିରେ ଜଣେ ମହିଳା ଏବଂ ଦୁଇଜଣ ଯୁବକ ଗୋମାଂସ ନେଇ ଯାଉଥିବା ବେଳେ ପାନପୋଷ ପୋଷ୍ଟମର୍ଟମ ହାଉସ ନିକଟରେ ବଜରଙ୍ଗ ଦଳ କର୍ମୀମାନେ ଗାଡି ଅଟକାଇଥିଲେ ।
ଗୋମାଂସ ଚାଲାଣ ନେଇ ପାନପୋଷରେ ଉତ୍ତେଜନା, 3 ଅଟକ
ଉଭୟ ପକ୍ଷ ମଧ୍ୟରେ କଥା କଟା କଟି ପରେ ଗୋମାଂସ ଚାଲାଣକୁ ବିରୋଧ କରୁଥିବା ଲୋକମାନେ 3 ଜଣକୁ ଅଟକାଇ ଗାଡି ଭଙ୍ଗାରୁଜା କରିଥିଲେ । ଏହାକୁ ଚାଲାଣକାରୀଙ୍କ କିଛି ସମର୍ଥକ ବିରୋଧ କରିବାରୁ ଘଟଣା ସ୍ଥଳରେ ଉତ୍ତେଜନା ପ୍ରକାଶ ପାଇଥିଲା । ଖବରପାଇ ରଘୁନାଥପାଲି ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଗାଡି, ଗୋମାଂସ ଜବତ କରିବା ସହ 3 ଜଣଙ୍କୁ ଅଟକ ରଖି ତଦନ୍ତ କରୁଛନ୍ତି । ଏ ବାବଦରେ ରଘୁନାଥପାଲି ଥାନାରେ ଏକ ମାମଲା ଦାୟର ହୋଇଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
