ଏସପି ଅଫିସ ଆଗରେ ଅଙ୍ଗନବାଡି କର୍ମୀଙ୍କ ବିକ୍ଷୋଭ

ଅଙ୍ଗନବାଡି କର୍ମୀଙ୍କ ସହ ଦୁଷ୍କର୍ମ ଉଦ୍ୟମର କାର୍ଯ୍ୟାନୁଷ୍ଠାନ ଦାବି କରିଛି ସଂଘ । ଏସପି ଅଫିସ ଆଗରେ ବିକ୍ଷୋଭ ପ୍ରଦର୍ଶନ ଓ ଦାବି ପତ୍ର ପ୍ରଦାନ ।

ରାଉରକେଲା: ଏସପି କାର୍ଯ୍ୟାଳୟ ସମ୍ମୁଖରେ ଧାରଣା ଦେଲେ ଆଙ୍ଗନବାଡ଼ି କର୍ମୀ । ଅଙ୍ଗନବାଡି କର୍ମୀଙ୍କ ସହ ଦୁଷ୍କର୍ମ ଉଦ୍ୟମର କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଅଙ୍ଗନବାଡ଼ି ବାଡ଼ି କର୍ମୀ ମାନଙ୍କ ଅଭିଯୋଗ କି, ପୋଲିସ 9 ମାସ ହେବ ଅଭିଯୁକ୍ତକୁ ଧରିବାରେ ବିଫଳ ହୋଇଛି ।

ଅଲ୍ ଇଣ୍ଡିଆ ଅଙ୍ଗନବାଡି ଲେଡିଜେ ୱାର୍କର ଆସୋସିଏସନର ସୁନ୍ଦରଗଡ ଜିଲ୍ଲା ସମ୍ପାଦିକା ବିମଲା ଲାକ୍ରାଙ୍କ ନେତୃତ୍ୱରେ ବିକ୍ଷୋଭ ପ୍ରଦର୍ଶନ କରାଯାଇଛି । କେସ୍ ନମ୍ବର 25/19 ଗୁରୁଣ୍ଡିଆ ଥାନାରେ ପଞ୍ଜିକୃତ ହୋଇଥିଲେ ମଧ୍ୟ ପୋଲିସ ଅପରାଧୀ ମାନଙ୍କୁ ଧରିବାରେ ସଫଳ ହୋଇ ନାହାଁନ୍ତି । ଥାନା ଅଧିକାରୀ ବାରମ୍ବାର ସନ୍ତୋଷଜନକ ଜବାବ ଦେବା ପରିବର୍ତ୍ତେ ଧମକପୂର୍ଣ୍ଣ କଥା କହୁଛନ୍ତି ବୋଲି ଅଭିଯୋଗ ହୋଇଛି । ଥାନା ଅଧିକାରୀର ନିଷ୍କ୍ରିୟତା ଯୋଗୁଁ ଅପରାଧୀ ଗିରଫ ହେଉ ନାହାଁନ୍ତି । ଏସପିକୁ ପ୍ରଦାନ କରାଯାଇ ଥିବା ଦାବିପତ୍ରରେ କୁହାଯାଇଛି, ଅପହଞ୍ଚ ଅଞ୍ଚଳର ମହିଳା ମାନଙ୍କୁ ସୁରକ୍ଷା ନ ମିଳିଲେ ସେମାନେ କାମ କରିବେ କେମିତି ?

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିିଭି ଭାରତ