ସୁନ୍ଦରଗଡ଼: ଅଜଣା ଗାଡ଼ି ଧକ୍କାରେ ବୃଦ୍ଧଙ୍କ ମୃତ୍ୟୁ । ସୁନ୍ଦରଗଡ଼ ଜିଲ୍ଲା ସଦର ଥାନା ଅନ୍ତର୍ଗତ ରଙ୍ଗିଆ ମୁଣ୍ଡା ନିକଟରେ ଏକ ଅଜଣା ଗାଡ଼ି ଧକ୍କାରେ ଜଣେ 65 ବର୍ଷୀୟ ବୃଦ୍ଧଙ୍କର ଘଟଣାସ୍ଥଳରେ ମୃତ୍ୟୁ ହୋଇଛି ।
ବୃଦ୍ଧ ଜଣଙ୍କ ସାଇକେଲ ଯୋଗେଁ ନିଜ ଘରକୁ ଫେରିବା ସମୟରେ ଏହି ଦୁର୍ଘଟଣାର ହୋଇଥିଲା । ମୃତକ ବୃଦ୍ଧ ଜଣକ ଭୁବନେଶ୍ବର ପଟେଲ । ସେ ତାଙ୍କ ଘର ରଙ୍ଗିଆ ମୁଣ୍ଡାକୁ ଫେରୁଥିବା ସମୟରେ ଅଜଣା ଗାଡ଼ି ଧକ୍କା ଦେଇଥିବା ପୋଲିସ ସନ୍ଦେହ କରୁଛି ।
ଏହି ଘଟଣାକୁ ନେଇ ଉତ୍ତେଜିତ କିଛି ଲୋକ ରାସ୍ତାରୋକ କରିବା ଫଳରେ ଗାଡ଼ି ଚଳାଚଳ ବ୍ୟଘାତ ହୋଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ଭୁବନେଶ୍ବରକୁ ଯାଉଥିବା ସମସ୍ତ ରାତ୍ରୀ ବସ ସହ ଟ୍ରକ ଅଟକି ରହିବା କାରଣରୁ ଯାତାୟାତରେ ସମସ୍ୟା ଉପୁଜିଛି ।
ସୁନ୍ଦରଗଡ଼ରୁ ହରିହର ଦାସ ମହାପାତ୍ର, ଇଟିଭି ଭାରତ
