ସୁନ୍ଦରଗଡ: ଛଅ ଜୁଆଡିଆଙ୍କୁ କାବୁ କଲେ ସୁନ୍ଦରଗଡ ସଦର ଏସଡିପିଓ । ସୁନ୍ଦରଗଡ ଟାଉନ ଥାନା ଅନ୍ତର୍ଗତ କେନ୍ଦୁପଡାରେ ଏକ ଜୁଆ ଆଡ୍ଡା ଉପରେ ଚଢାଉ କରି 6ଜଣଙ୍କୁ ଗିରଫ କରିବା ସହିତ 5ଟି ଦାମୀ ଗାଡି ଓ ନଗଦ ଟଙ୍କା ଜବତ କରିଛି ପୋଲିସ ।
ଜୁଆ ଆଡ୍ଡାରେ ଚଢାଉ
ଜିଲ୍ଲାରେ ଜୁଆଡିଆମାନେ ଆଡ୍ଡା ଜମାଇଥିଲେ । ଏ ନେଇ ବିଶେଷ ସୂତ୍ରର ପାଇଥିଲା ଜିଲ୍ଲା ପୋଲିସ । ଖବର ପାଇବା ମାତ୍ରେ ସଦର ଏସଡିପିଓ ମଧୁସ୍କିତା ମିଶ୍ର ଓ ଟାଉନ ପୋଲିସଙ୍କ ମିଳିତ ଉଦ୍ୟମରେ ଜୁଆ ଆଡ୍ଡା ଉପରେ ଅଚାନକ ଚଢାଉ କରିଥିଲେ ।
ଚଢାଉରେ ଘଟଣାସ୍ଥଳରୁ 6ଜଣ ଜୁଆଡିଆଙ୍କୁ ଗିରଫ କରିଛି ପୋଲିସ । ଏହା ସହିତ 5ଟି ଦାମୀ ଗାଡି, ନଗଦ ଟଙ୍କା ଓ ତାସ ଜବତ ହୋଇଛି । ଏହି ଜୁଆଡିମାନେ କେନ୍ଦୁପଡାର ଏକ ଘରେ ଜୁଆ ଖେଳୁଥିଲେ ବୋଲି ପୋଲିସ କହିଛି । ସମସ୍ତ ଜୁଆଡିଙ୍କ ଘର ସୁନ୍ଦରଗଡ ବୋଲି ଜଣାପଡିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର,ଇଟିଭି ଭାରତ
