ସୁବର୍ଣ୍ଣପୁର: ବିଲରେ ନୁହେଁ ରାସ୍ତାରେ ଧାନ ରୋଇଲେ ଗାଁଲୋକେ । ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକ ତିଲେଇମାଲ ଗାଁଲୋକେ ଗାଁଲୋକେ ରାସ୍ତାରେ ଧାନ ରୋଇଛନ୍ତି । ବର୍ଷାଦିନେ ଗାଁରାସ୍ତାରେ ଆଣ୍ଠୁଏ କାଦୁଅ ରହୁଥିବାରୁ ଗାଁଲୋକେ ଏଭଳି ପ୍ରତିବାଦ କରି ବ୍ଳକ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି ।
ଭିଡିଓ ସୌଜନ୍ୟ:ପ୍ରତିନିଧି, ସୁବର୍ଣ୍ଣପୁର
ମୁଖ୍ୟ ରାସ୍ତାରୁ ତିଲେଇମାଲ ଯିବାକୁ ଥିବା ପ୍ରାୟ 4 କିଲୋମିଟର ରାସ୍ତା ପାଣି କାଦୁଅରେ ବିପର୍ଯ୍ୟସ୍ଥ ହୋଇ ପଡିଛି । ଦୀର୍ଘ ଦିନରୁ ମେଟାଲ ମୋରୁମ ଓ କଂକ୍ରିଟ କରିବା ପାଇଁ ଗାଁ ଲୋକେ ପଞ୍ଚାୟତ କର୍ତ୍ତୃପକ୍ଷଙ୍କ ପାଖରୁ ଆରମ୍ଭ କରି ଗୋଷ୍ଠି ଉନ୍ନୟନ ଅଧିକାରୀଙ୍କ ପର୍ଯ୍ୟନ୍ତ ଦାବି କରି ଆସୁଥିଲେ ହେଁ କେହି ଶୁଣି ନଥିଲେ ।
ଅନ୍ୟପଟେ ବିନିକା ଗୋଷ୍ଠି ଉନ୍ନୟନ ଅଧିକାରୀ ବିଶ୍ବ ରଂଜନ ମଲ୍ଲିକ ବ୍ଳକ ଅଧ୍ୟକ୍ଷଙ୍କ ସହିତ ଆଲୋଚନା କରି ତୁରନ୍ତ ରାସ୍ତାର ଉନ୍ନତିକରଣ କରିବେ ବୋଲି ପ୍ରତିକ୍ରିୟା ରଖିଛନ୍ତି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
