ସୁବର୍ଣ୍ଣପୁର: ଜିଲ୍ଲାରେ ଜଣେ ଛୋଟ ପରିବା ବେପାରୀଙ୍କ ଦେଶପ୍ରେମର ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି । ଜଣେ ଯୁବ ପରିବା ବେପାରୀ ଦୈନିକ ବଜାରକୁ ବିକ୍ରି ପାଇଁ ଆଣିଥିବା ଧନିଆ ପତ୍ର ଓ କଞ୍ଚାଲଙ୍କା ମାଗଣାରେ ଲୋକଙ୍କୁ ଦେଉଛନ୍ତି । ହେଲେ ଗ୍ରାହକ କଞ୍ଚାଲଙ୍କା ଓ ଧନିଆ ପତ୍ର ନେବାକୁ ହେଲେ ପାକିସ୍ତାନ ମୁର୍ଦ୍ଦାବାଦ ବୋଲି କହିବାକୁ ପଡୁଛି ।
ଗୋଟିଏ ଷ୍ଟଲ ସାମ୍ନାରେ ପ୍ରାୟ ଗୋଟିଏ ବସ୍ତା ଧନିଆ ପତ୍ର ଓ କଞ୍ଚାଲଙ୍କା ରଖି ଲୋକଙ୍କୁ ପାକିସ୍ତାନ ମୁର୍ଦ୍ଦାବାଦ କହି ଜିନିଷ ନେବାକୁ ଡାକୁଛନ୍ତି । ପାକିସ୍ତାନ ମୁର୍ଦ୍ଦାବାଦ କହି ଲୋକେ ବି ମୁଠାଏ କଞ୍ଚାଲଙ୍କା ଓ ଧନିଆ ପତ୍ର ନେଉଛନ୍ତି । ଯୁବ ବ୍ୟବସାୟୀ ଜଣଙ୍କୁ ଖୁସ କରିବାକୁ ଗ୍ରାହକ ବି ମାଗଣାରେ ଜିନିଷ ନେବା ପାଇଁ ପାକିସ୍ତାନ ମୁର୍ଦ୍ଦାବାଦ, ହର ହର ମୋଦି, ଘର୍ ଘର୍ ମୋଦି ଭଳି ସ୍ଲୋଗାନ ଦେଇ ଜିନିଷ ନେଉଛନ୍ତି।
ଜିଲ୍ଲାରେ ଏହି ବ୍ୟବସାୟୀଙ୍କ ଭିଡିଓ ଫେସବୁକ, ହ୍ବାଟସଆପରେ ଖୁବ ଭାଇରାଲ ହେଉଛି । ମୋବାଇଲ ୟୁଜର୍ସ ବି ଏହି କ୍ଷୁଦ୍ର ବେପାରୀଙ୍କ ଏପରି କାର୍ଯ୍ୟକୁ ବେଶ ପ୍ରଶଂସା କରି ଭଳିକି ଭଳି କମେଣ୍ଟ କରୁଛନ୍ତି । ପରିବା ବ୍ୟବସାୟୀ ଜଣକ କେଉଁ ସ୍ଥାନର ଜଣାପଡୁ ନଥିଲେ ମଧ୍ୟ ତାଙ୍କର ଏପରି କାର୍ଯ୍ୟକୁ ପ୍ରଶଂସା କରୁଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
