ସୁବର୍ଣ୍ଣପୁର: ସ୍ଥାନୀୟ ବିନିକା ରାମପୁର ମୁଖ୍ୟରାସ୍ତା ବିଶାଲପାଲି ନିକଟସ୍ଥ ରାସ୍ତାରେ ରବିବାର ସକାଳେ ଏକ ଅଜଣା ମୃତଦେହ ପଡି ରହିଥିବା ଦେଖାଯାଇଥିଲା । ଖବର ପାଇ ବିନିକା ପୋଲିସ ଘଟଣାସ୍ଥଳରେ ପହଞ୍ଚି ବିନିକା ଦମକଳ ବାହିନୀକୁ ଖବର କରିଥିଲା । ପରେ ମୃତଦେହକୁ ଉଦ୍ଧାର କରି ବିନିକା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ବିଶାଲପାଲି ନିକଟରୁ ଅଜଣା ମୃତଦେହ ଉଦ୍ଧାର, ପୋଲିସ ତଦନ୍ତ ଜାରି
ଘଟଣାସ୍ଥଳରୁ ପୋଲିସ OD31B8590 ନମ୍ବରର ଏକ ବାଇକ ଉଦ୍ଧାର କରି ଥାନାକୁ ଆଣିଛି । ତେବେ ବାଇକଟି ସାମ୍ନା ପଟୁ ମାଡ ହୋଇ ସମ୍ପୂର୍ଣ୍ଣ ଚୁରମାର ହୋଇଥିବା ଦେଖିବାକୁ ମିଳିଛି । ସେପଟେ ତଦନ୍ତ ପରେ ମୃତ୍ୟୁର କାରଣ ଜଣା ପଡିବ ବୋଲି କହିଛି ପୋଲିସ ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
