ସୁବର୍ଣ୍ଣପୁର: ପାରିଶ୍ରମିକ ନ ମିଳିବା ନେଇ ଥାନାର ଦ୍ବାରସ୍ତ ହେଲେ ଶିକ୍ଷକ । ଘରୋଇ ସ୍କୁଲ କର୍ତ୍ତୃପକ୍ଷଙ୍କ ନାଁରେ ଥାନାରେ ଏତଲା ଦେଲେ ଶିକ୍ଷକ । ଏଭଳି ଅଭିଯୋଗ ଆସିଛି ସୁବର୍ଣ୍ଣପୁର ଜିଲ୍ଲାରେ ଥିବା ଏକ ଘରୋଇ ବିଦ୍ୟାଳୟ ବିରୋଧରେ । ସୂଚନା ଅନୁସାରେ, ସୁବର୍ଣ୍ଣପୁର ସହରରେ ଥିବା ଏକ ଘରୋଇ ସ୍କୁଲ କର୍ତ୍ତୃପକ୍ଷ ଶିକ୍ଷକମାନଙ୍କୁ ଶୋଷଣ କରିଥିବା ନେଇ ସଦର ଥାନାରେ ଲିଖିତ ଅଭିଯୋଗ ହୋଇଛି ।
ମହାମାରୀ ସମୟରେ ବିଦ୍ୟାଳୟ କର୍ତ୍ତୃପକ୍ଷ ପାଞ୍ଚ ଜଣ ଶିକ୍ଷକଙ୍କୁ ନିଲମ୍ବିତ କରିଥିବା ବେଳେ ଚାରିଜଣ ବିଜ୍ଞାନ ଓ ଗଣିତ ଶିକ୍ଷକଙ୍କୁ ଦରମା ଦେବା ପାଇଁ ପ୍ରତିଶୃତି ଦେଇଥିଲେ । ହେଲେ ଏବେ ଯେତେବେଳ ଅଭିଭାବକମାନଙ୍କ ପାଖରୁ ସ୍କୁଲ କର୍ତ୍ତୃପକ୍ଷ ଫି ସଂଗ୍ରହ କରୁଛନ୍ତି ହେଲେ ଶିକ୍ଷକମାନଙ୍କୁ ଦରମା ଦେବା ପାଇଁ ମନା କରୁଥିବା ଅଭିଯୋଗ ହୋଇଛି ।
ତେବେ ଚାରି ଜଣ ଶିକ୍ଷକ ଦୁଇ ଲକ୍ଷ ଚାଲିଶ ହଜାର ଟଙ୍କା ପାଇବାକୁ ଥିବା ବେଳେ ଶିକ୍ଷକମାନେ ପାରିଶ୍ରମିକ ପାଇ ନଥିବା କହିଛନ୍ତି । ତେବେ ପାରିଶ୍ରମିକ ପାଉ ନ ଥିବା ଶିକ୍ଷକମାନେ ଥାନାର ଦ୍ବାରସ୍ଥ ହେବା ସହିତ ଆଇନଗତ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
