ସୁବର୍ଣ୍ଣପୁର: ଜିଲ୍ଲା ପୋଲିସ ପ୍ରଶାସନ ପକ୍ଷରୁ ସାରା ଜିଲ୍ଲାକୁ ଲକଡାଉନ କରାଯାଇଛି । ଖାଲି ଲକଡାଉନକୁ କଡାକଡି ପାଳନ କରାଯାଉଛି ତାହା ନୁହେଁ । ଲୋକଙ୍କ ଭିତରେ ମାରାତ୍ମକ କୋରୋନା ଉପରେ ପୋଲିସ କର୍ମଚାରୀମାନେ ସଚେତନତା ମଧ୍ୟ ସୃଷ୍ଟି କରୁଛନ୍ତି । ଆଜି ଜିଲ୍ଲା ଆରକ୍ଷୀ ଅଧୀକ୍ଷକଙ୍କ ନେତୃତ୍ବରେ ଏକ ପୋଲିସ ଦଳ ସହରର ମଙ୍ଗଳବାର ସାପ୍ତାହିକ ବଜାରରେ ହାତ ଧୋଇବା କାର୍ଯ୍ୟକ୍ରମ କରିଛନ୍ତି । ବଜାରକୁ ଆସୁଥିବା ଗ୍ରାହକ ଓ ବ୍ୟବସାୟୀ ମାନଙ୍କୁ ପନିପରିବା ଆଦି କିଣାବିକା ସାରିବା ପରେ ହାତଧୋଇ ଘରକୁ ଯିବା ପାଇଁ ପରାମର୍ଶ ଦେଇଛନ୍ତି ।
କୋରୋନା ସଚେତନତା ସୃଷ୍ଟି କରୁଛି ସୁବର୍ଣ୍ଣପୁର ପୋଲିସ
ସେହିପରି ସଦର ବ୍ଳକର ସିଆଲଜୁଲୀ ସାପ୍ତାହିକ ବଜାରରେ ବି ଜନସାଧାରଣଙ୍କ ଭିତରେ ସଚେତନତା ସୃଷ୍ଟି କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
