ସୁବର୍ଣ୍ଣପୁର: ଜିଲ୍ଲା କୋଟ ସମଳାଇ ଶ୍ରୀକ୍ଷେତ୍ରରେ ଷୋଡଶ ପାତାଳି ମହୋତ୍ସବ ଆରମ୍ଭ ହୋଇଯାଇଛି । ଆସନ୍ତା ଫେବୃୟାରୀ 19 ତାରିଖ ତିଳ ସପ୍ତମୀ ଯାଏଁ ଏହି ମହୋତ୍ସବ ଚାଲିବ । ଏହି ଆଧ୍ୟାତ୍ମିକ ମହୋତ୍ସବର କଳସ ଶୋଭାଯାତ୍ରା କାର୍ଯ୍ୟକ୍ରମ ସମେତ ସଂକଳ୍ପ, କଳସ ସ୍ଥାପନ, ଦେବ ନିମନ୍ତ୍ରଣ, ସାଂସ୍କୃତିକ ଶୋଭାଯାତ୍ରା କାର୍ଯ୍ୟକ୍ରମ ଆଦି କାର୍ଯ୍ୟ ଶେଷ ହୋଇଛି ।
ମହୋତ୍ସବରେ ଆଗାମୀ ସାତ ଦିନ ଧରି ଶ୍ରଦ୍ଧାଳୁମାନେ ନାମ ଯଜ୍ଞ, ସପ୍ତାହ ପାରାୟଣ, ଘୃତ ଯଜ୍ଞ ଆଦିରେ ସାମିଲ ହେବାର ସୌଭାଗ୍ୟ ଲାଭ କରିବା ସହ ପୁରୀ ଶ୍ରୀମନ୍ଦିର ପ୍ରଦତ୍ତ ଚତୁର୍ଧା ଦାରୁଙ୍କ ଦର୍ଶନ କରି ପୁଣ୍ୟ ଅର୍ଜନ କରିବେ । ପାତଳି ଶ୍ରୀକ୍ଷେତ୍ର ମହୋତ୍ସ କମିଟି ପକ୍ଷରୁ ପ୍ରତିବର୍ଷ ପରି ଏଥର ବି ଆନନ୍ଦ ବଜାରରେ ମାଗଣାରେ ଶ୍ରଦ୍ଧାଳୁମାନଙ୍କ ମହାପ୍ରସାଦ ସେବନ ପାଇଁ ଆବଶ୍ୟକ ବ୍ୟବସ୍ଥା କରାଯାଇଛି ।
ତେବେ କୋଭିଡ କଟକଣା ପାଇଁ ସାଂସ୍କୃତିକ କାର୍ଯ୍ୟକ୍ରମଗୁଡିକୁ ବାତିଲ କରାଯାଇଥିବାବେଳେ କେବଳ ସନ୍ଧ୍ୟାରେ ପ୍ରବଚନ କାର୍ଯ୍ୟକ୍ରମ କରାଯିବାକୁ ନିଷ୍ପତ୍ତି ନିଆଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
