ସୁବର୍ଣ୍ଣପୁର: ସୁବର୍ଣ୍ଣପୁର ଧୁଲଧୁଲା ଗାଁରେ ହତ୍ୟାକାଣ୍ଡ । ଗାଁର ରାଜକୁମାର ଲୁହାଙ୍କୁ କେହି ହତ୍ୟା କରିଥିବା ବେଳେ ତାଙ୍କ ବୋହୂ ଭୁମିସୁତାଙ୍କ ଅବସ୍ଥା ଗୁରୁତର ହୋଇଛି । ଗୁରୁତର ଅବସ୍ଥାରେ ତାଙ୍କୁ ପ୍ରଥମେ ଉଲୁଣ୍ଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଅଣାଯାଇଥିବା ବେଳେ ଅବସ୍ଥା ସଙ୍କଟାପନ୍ନ ହେବାରୁ ସୋନପୁର ସ୍ଥାନାନ୍ତର କରାଯାଇଛି ।
ସୁବର୍ଣ୍ଣପୁରରେ ମର୍ଡର; ଶ୍ବଶୁର ମୃତ, ବୋହୂ ଗୁରୁତର
ତେବେ କିଏ ଓ କାହିଁକି ହତ୍ୟା କରିଛି ତାହା ଏଯାଏଁ ସ୍ପଷ୍ଟ ହୋଇ ନାହିଁ । ସକାଳୁ ଗାଁ ମୁଣ୍ଡରେ ନିଜ ଘରେ ରାଜକୁମାର ଲୁହାଙ୍କ ମୃତଦେହ ପଡିଥିବା ବେଳେ ତାଙ୍କ ବୋହୂ ଗୁରୁତର ଅବସ୍ଥାରେ ପଡିଥିବା ରାଜକୁମାରଙ୍କ ସ୍ତ୍ରୀ ଦେଖିଥିଲେ । ଭୁମିସୂତାଙ୍କ ସ୍ବାମୀ ବାହାର ରାଜ୍ୟରେ ରହୁଛନ୍ତି । ଘଟଣାସ୍ଥଳରେ ଉଲୁଣ୍ଡା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
