ସୁବର୍ଣ୍ଣପୁର: ନୂଆଖାଇ ପର୍ବ । ପଶ୍ଚିମଓଡିଶା ବାସୀଙ୍କ ଗଣପର୍ବ ଭାବେ ପରିଚିତ ନୂଆଖାଇ ଲାଗି ଆରମ୍ଭ ହେଲାଣି ପ୍ରସ୍ତୁତି । ସାପ୍ତାହିକ ହାଟରେ ପଡିଲାଣି ନୂଆ ନୂଆ ଜିନିଷ । ହାଣ୍ଡି-ମାଠିଆ, କୁଲା-ପାଚିଆ ସହ ରଙ୍ଗବେରଙ୍ଗର ସମ୍ବଲପୁର ଶାଢୀ ସମାହାର ଦେଖିବାକୁ ମିଳିଲାଣି ହାଟରେ । ଲୋକେ ହାଟରୁ ଏସବୁ ଜିନିଷ କିଣିବା ମଧ୍ୟ ଆରମ୍ଭ କଲେଣି । ଦର ଯାହା ହେଉନା କାହିଁକି ସେଥିରେ ଭୁକ୍ଷେପ ନକରି ନୂଆ ଜିନିଷ କିଣିବାରେ ଲାଗି ପଡିଲେଣି ସୁବର୍ଣ୍ଣପୁରବାସୀ ।
ନୂଆଖାଇ ପର୍ବରେ ନୂଆ ସରିଆଁ ଧାନ, କ୍ଷୀର, ଦହି, ଗୁଆଘିଅ, ଗୁଡ ଆଦିକୁ ମିଶାଇ ପ୍ରସ୍ତୁତ କରାଯାଏ ନବାନ୍ନ । ଆଉ ଏହାକୁ ଇଷ୍ଟଦେବୀଙ୍କ ପାଖରେ ସମର୍ପଣ କରି ଭଣ୍ଡାର ଘର ଭରି ହେବାକୁ ଗୁହାରୀ କରାଯାଏ । ଏହାପରେ ପରିବାରର ସମସ୍ତେ ଏକାଠୀ ହୋଇ ଭୋଜନ କରିଥାନ୍ତି ।
ତେବେ ମା ମାଟି ଓ ଲକ୍ଷ୍ମୀଙ୍କୁ ସବୁକିଛି ସମର୍ପଣ କରି ନୂଆ ନୂଆରେ ନୂଆଖାଇ ପାଳନ କରିବା ସବୁଠୁ ପ୍ରାଚୀନ ପରମ୍ପରା ପଶ୍ଚିମ ଓଡିଶାରେ ଆଜି ବି ବଞ୍ଚି ରହିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ
