ନିମାପଡ଼ା/ପୁରୀ: କୋଣାର୍କରେ ଆଜିଠାରୁ ଆରମ୍ଭ ହୋଇଛି ୨ ଦିନିଆ ‘ତୃତୀୟ ଜାତୀୟ ଖଣି ମନ୍ତ୍ରୀ ସମ୍ମିଳନୀ’ । ଏହି ସମ୍ମିଳନୀରେ ମୁଖ୍ୟଅତିଥି ଭାବେ ଦୋଗେଦେଇ ଏହାକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । କେନ୍ଦ୍ର ଖଣି ମନ୍ତ୍ରଣାଳୟ ଓ ଓଡ଼ିଶା ସରକାରଙ୍କ ମିଳିତ ସହଯୋଗିତାରେ କୋଣାର୍କ ଇକୋ ରି-ଟ୍ରିଟରେ ଆଜି (ଜାନୁଆରୀ ୨୦) ଓ ଆସନ୍ତାକାଲି ୨୧ ତାରିଖରେ ଏହି ୨ ଦିନିଆ ଜାତୀୟ ଖଣି ମନ୍ତ୍ରୀ ସମ୍ମିଳନୀ ଆୟୋଜନ କରାଯାଇଛି । ଏଥିରେ ଓଡ଼ିଶା ସମେତ ୧୬ଟି ଖଣିବହୁଳ ରାଜ୍ୟର ମନ୍ତ୍ରୀମାନେ ଯୋଗ ଦେଇଛନ୍ତି ।
- ଜାତୀୟ ଖଣି ମନ୍ତ୍ରୀ ସମ୍ମିଳନୀ:
ଖଣି ମନ୍ତ୍ରଣାଳୟ ପକ୍ଷରୁ ଓଡ଼ିଶା ସରକାରଙ୍କ ସହଯୋଗରେ ଜାନୁଆରୀ ୨୦ ଓ ୨୧ ତାରିଖରେ କୋଣାର୍କଠାରେ ତୃତୀୟ ଜାତୀୟ ଖଣି ମନ୍ତ୍ରୀମାନଙ୍କ ସମ୍ମିଳନୀ ଆୟୋଜନ କରାଯାଇଛି । ଏହି ୨ ଦିନିଆ କାର୍ଯ୍ୟକ୍ରମ "ବିକାଶିତ ଭାରତ ୨୦୪୭" ର ଦୃଷ୍ଟିକୋଣ ସହିତ ସମନ୍ୱିତ ଏବଂ ଏଥିରେ କେନ୍ଦ୍ର ଏବଂ ଓଡ଼ିଶା ସରକାରଙ୍କ ବରିଷ୍ଠ ଅଧିକାରୀମାନଙ୍କ ସହିତ ୧୬ରୁ ଅଧିକ ରାଜ୍ୟ ଖଣି ମନ୍ତ୍ରୀଙ୍କୁ ଏକତ୍ରିତ କରାଯାଇଛି । କେନ୍ଦ୍ର କୋଇଲା ଏବଂ ଖଣି ମନ୍ତ୍ରୀ ଜି.କିଶନ ରେଡ୍ଡୀ ଏହି ସମ୍ମିଳନୀର ଅଧ୍ୟକ୍ଷତା କରିଛନ୍ତି । ସେହିପରି ଆଜି ଉଦଘାଟନୀ ଅଧିବେଶନରେ ମୁଖ୍ୟଅତିଥି ଭାବରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇଛନ୍ତି ।
- ଉଦ୍ଘାଟନ କଲେ ମୁଖ୍ୟମନ୍ତ୍ରୀ:
ଏହି ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ନିଜ ଅଭିଭାଷଣରେ କହିଛନ୍ତି ଯେ, କେନ୍ଦ୍ର ଖଣିଜ ସମ୍ପଦ ମନ୍ତ୍ରୀ ଜି.କିଶନ ରେଡ୍ଡୀ, ବିହାରର ଉପମୁଖ୍ୟମନ୍ତ୍ରୀ ବିଜୟ କୁମାର ସିହ୍ନା, ତେଲେଙ୍ଗାନାର ଉପମୁଖ୍ୟମନ୍ତ୍ରୀ ଭାଟି ବିକ୍ରମାର୍କ ମଲ୍ଲୁ ଓ ଅନ୍ୟାନ୍ୟ ବିଶିଷ୍ଟ ବ୍ୟକ୍ତି ଏବଂ ଶିଳ୍ପ ନେତାଙ୍କ ସହିତ ତୃତୀୟ ଜାତୀୟ ଖଣି ମନ୍ତ୍ରୀ ସମ୍ମିଳନରେ ଯୋଗଦେବା ଓ ଏହାକୁ ଉଦଘାଟନ କରିବାର ସୌଭାଗ୍ୟ ପାଇଛି । ଏହା ଅତ୍ୟନ୍ତ ଗର୍ବର ବିଷୟ ଯେ, ଏହି ପ୍ରତିଷ୍ଠିତ କାର୍ଯ୍ୟକ୍ରମ ଓଡ଼ିଶାରେ ଆୟୋଜିତ ହେଉଛି । ଓଡ଼ିଶା ବିପୁଳ ଖଣିଜ ସମ୍ପଦ ପାଇଁ ପ୍ରସିଦ୍ଧ, ଯାହା ଭାରତର ଶିଳ୍ପ ଏବଂ ଅର୍ଥନୈତିକ ଅଭିବୃଦ୍ଧିରେ ଗୁରୁତ୍ୱପୂର୍ଣ୍ଣ ଅବଦାନ ରଖିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦୂରଦୃଷ୍ଟିପୂର୍ଣ୍ଣ ନେତୃତ୍ୱରେ, 'ବିକଶିତ ଭାରତ'ର ମିଶନକୁ ଅଭିନବ ନୀତି ଏବଂ ପଦକ୍ଷେପ ମାଧ୍ୟମରେ ଖଣି ସମେତ ପ୍ରମୁଖ ଶିଳ୍ପଗୁଡ଼ିକୁ ସଶକ୍ତ କରି ସାକାର କରାଯିବ । ଖଣିଜ ସମ୍ପଦରେ ଏକ ଅଗ୍ରଣୀ ରାଜ୍ୟ ଭାବରେ, ଓଡ଼ିଶା ଏହି ପରିବର୍ତ୍ତନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ପ୍ରସ୍ତୁତ ଅଛି ।
Had the privilege of joining and inaugurating the 3rd National Mining Ministers' Conference at Konark alongside Hon'ble G. Kishan Reddy ji, Hon'ble Deputy CM of Bihar Shri Vijay Kumar Sinha ji, Hon'ble Deputy CM of Telangana Shri Bhatti Vikramarka Mallu ji, and other… pic.twitter.com/Z3AoNCCdEf
— Mohan Charan Majhi (@MohanMOdisha) January 20, 2025
- ସମ୍ମିଳନୀର ଉଦ୍ଦେଶ୍ୟ କ'ଣ କହିଲେ ସାଂସଦ:
ଏହି ଅବସରରେ ଜଗତସିଂପୁର ସାଂସଦ ବିଭୁ ପ୍ରସାଦ ତରାଇ ଯୋଗଦେଇ କହଛନ୍ତି, "ବିଭିନ୍ନ ଦୁର୍ନୀତିଗ୍ରସ୍ତ ଲୋକ ଖଣିଜ ସମ୍ପଦକୁ ଯେଉଁଭଳି ଭାବରେ ଦୁରୁପଯୋଗ କରୁଥିଲେ ଏବେ ତାହା କରାଯିବ ନାହିଁ । ଖଣିଜ ସମ୍ପଦକୁ ଏକ ରପ୍ତାନୀଜାତ ସାମଗ୍ରୀ ଭାବରେ ବ୍ୟବହାର କରି ବିଦେଶକୁ ନ ପଠାଇବା ପାଇଁ ଯୋଜନା କରାଯିବ । କଳକାରଖାନା କରାଯାଇ ସେଥିରୁ ଯେଉଁ ଜିନିଷ ଉତ୍ପାଦନ କରାଯିବ ତାକୁ ବିଦେଶକୁ ରପ୍ତାନୀ କରି ଆମ ଦେଶ ଓ ରାଜ୍ୟକୁ ବିଦେଶୀପୁଞ୍ଜି ଆଣିବା ସହ ଆମ ଅର୍ଥନୈତିକ ବିକାଶରେ କିପରି ସହାୟକ ହେବ ସେ ନେଇ ଯୋଜନା କରାଯିବ । ପ୍ରଧାନମନ୍ତ୍ରୀ ଚିନ୍ତା କରିଥିବା ଭାରତକୁ 'ବିକଶିତ ଭାରତ' କରିବା ଓ ୨୦୩୬ ସୁଦ୍ଧା ଓଡ଼ିଶାକୁ ଏକ ବିକଶିତ ଓଡ଼ିଶାରେ ପରିଣତ କରିବା ମୁଖ୍ୟମନ୍ତ୍ରୀ ଚିନ୍ତା କରିଛନ୍ତି । ତେଣୁ ଖଣିଜ ସମ୍ପଦକୁ ରପ୍ତାନୀ ନକରି ମୂଲ୍ୟଯୁକ୍ତ କାରଖାନା ତିଆରି କରି ଏହାର ସଠିକ ଉପଯୋଗ କରିପାରିବା ହେଉଛି ଆଜି ସମ୍ମିଳନୀର ଉଦ୍ଦେଶ୍ୟ ।"
- ସମ୍ମିଳନୀର ମୁଖ୍ୟ ଆକର୍ଷଣ:
ଖଣି କ୍ଷେତ୍ରରେ ରାଜ୍ୟଗୁଡ଼ିକର ସର୍ବୋତ୍ତମ ଅଭ୍ୟାସ ଉପରେ ରିପୋର୍ଟ ପ୍ରକାଶ: ରାଜ୍ୟଗୁଡ଼ିକ ଦ୍ୱାରା କାର୍ଯ୍ୟକାରୀ କରାଯାଇଥିବା ଅଭିନବ ଶାସନ ମଡେଲଗୁଡ଼ିକୁ ପ୍ରଦର୍ଶନ କରି, ରିପୋର୍ଟ ଖଣି କାର୍ଯ୍ୟରେ ଦକ୍ଷତା ଏବଂ ସ୍ୱଚ୍ଛତାକୁ ଉନ୍ନତ କରିବା ଲକ୍ଷ୍ୟ ରଖିଛି ।
ମାଇନିଂ ଟେନମେଣ୍ଟ ସିଷ୍ଟମ (MTS) ମଡ୍ୟୁଲର ଶୁଭାରମ୍ଭ: ଡିଜିଟାଲ ଶାସନ ଦିଗରେ ଏକ ଐତିହାସିକ ପଦକ୍ଷେପ, ଏହି ମଡ୍ୟୁଲ ଖଣି କାର୍ଯ୍ୟକୁ ସୁଗମ କରିବ ଏବଂ ଦାୟିତ୍ୱ ବୃଦ୍ଧି କରିବ ।
ଷ୍ଟାର୍ଟଅପ୍ଗୁଡ଼ିକୁ ମଞ୍ଜୁରୀ ପତ୍ର ପ୍ରଦାନ: ସ୍ଥାୟୀ ଖଣି କାର୍ଯ୍ୟରେ ନବସୃଜନକୁ ପ୍ରୋତ୍ସାହିତ କରୁଥିବା ପଦକ୍ଷେପ ଅଧୀନରେ ମନୋନୀତ ଷ୍ଟାର୍ଟଅପ୍ଗୁଡ଼ିକୁ ମଞ୍ଜୁରୀ ପତ୍ର ପ୍ରଦାନ କରାଯିବ।
ଛତିଶଗଡ଼ ଦ୍ୱାରା ଗୁରୁତ୍ୱପୂର୍ଣ୍ଣ ଖଣିଜ ବ୍ଲକ GRs ହସ୍ତାନ୍ତର: ଗୁରୁତ୍ୱପୂର୍ଣ୍ଣ ଖଣିଜ ବ୍ଲକଗୁଡ଼ିକର GRs ଖଣି ମନ୍ତ୍ରଣାଳୟକୁ ହସ୍ତାନ୍ତର କରାଯିବ, ଯାହା ଗୁରୁତ୍ୱପୂର୍ଣ୍ଣ ଖଣିଜ କ୍ଷେତ୍ରରେ ଭାରତର ଆତ୍ମନିର୍ଭରଶୀଳତାକୁ ସମର୍ଥନ କରିବ ।
ଗୁରୁତ୍ୱପୂର୍ଣ୍ଣ ଖଣିଜ ବ୍ଲକଗୁଡ଼ିକର ୫ମ ପର୍ଯ୍ୟାୟର ଶୁଭାରମ୍ଭ: ଉଦ୍ଘାଟନ ଲକ୍ଷ୍ୟ ହେଉଛି ଅନୁସନ୍ଧାନକୁ ତ୍ୱରାନ୍ୱିତ କରିବା ଏବଂ ଗୁରୁତ୍ୱପୂର୍ଣ୍ଣ ଖଣିଜ କ୍ଷେତ୍ରରେ ଘରୋଇ କ୍ଷେତ୍ର ନିବେଶକୁ ଆକର୍ଷିତ କରିବା, ଆମଦାନୀ ନିର୍ଭରତା ହ୍ରାସ କରିବା ।
ଏହା ମଧ୍ୟ ପଢ଼ନ୍ତୁ...ଆଜିଠୁ କୋଣାର୍କରେ ଦୁଇ ଦିନିଆ ଖଣି ମନ୍ତ୍ରୀ ସମ୍ମିଳନୀ ଏହା ମଧ୍ୟ ପଢ଼ନ୍ତୁ...ନିଯୁକ୍ତି ପାଇବେ ୨୦୦୦ ଟ୍ରାଫିକ ପୋଲିସ, ଖୋଲିବ ୨୦ ସାଇବର ଥାନା: ମୁଖ୍ୟମନ୍ତ୍ରୀ |
ଏହି ଜାତୀୟ ଖଣି ମନ୍ତ୍ରୀ ସମ୍ମିଳନୀ ରାଜ୍ୟ ଖଣି ମନ୍ତ୍ରୀ, ବରିଷ୍ଠ ସରକାରୀ ଅଧିକାରୀ ଏବଂ ଅଂଶୀଦାରମାନଙ୍କୁ ଗୁରୁତ୍ୱପୂର୍ଣ୍ଣ ଖଣି କ୍ଷେତ୍ର ରଣନୀତି ଉପରେ ଆଲୋଚନା କରିବା ପାଇଁ ଏକ ମଞ୍ଚ ପ୍ରଦାନ କରିବ । ପରିବେଶ ଏବଂ ଜଙ୍ଗଲ ମନ୍ତ୍ରଣାଳୟ, ଡିଜିଏମଏସ ଏବଂ ରେଳବାଇର ଅଧିକାରୀମାନେ ଖଣି କ୍ଷେତ୍ରର ପ୍ରମୁଖ ପ୍ରସଙ୍ଗଗୁଡ଼ିକ, ଯେପରିକି ସୁରକ୍ଷା, ସ୍ଥିରତା, ପରିବେଶଗତ ଚିନ୍ତାଧାରା ଏବଂ ପରିବହନ ଚ୍ୟାଲେଞ୍ଜ ଉପରେ ଉପସ୍ଥାପନା କରିବେ । ଦେଶବ୍ୟାପୀ ଦକ୍ଷ, ନିରାପଦ ଏବଂ ପରିବେଶ ଅନୁକୂଳ ଖଣି କାର୍ଯ୍ୟ ସୁନିଶ୍ଚିତ କରିବା ପାଇଁ ସହଯୋଗକୁ ପ୍ରୋତ୍ସାହିତ କରିବା ଉପରେ ଧ୍ୟାନ ଦିଆଯିବ । ଏହି ଆଲୋଚନାଗୁଡ଼ିକ ସ୍ଥାୟୀ ବିକାଶ ଲକ୍ଷ୍ୟ ସହିତ ଭାରତର ଖଣି ଇକୋସିଷ୍ଟମକୁ ମଜବୁତ କରିବା ପାଇଁ ଲକ୍ଷ୍ୟ ରଖିଛି ।
ତୃତୀୟ ଜାତୀୟ ଖଣି ମନ୍ତ୍ରୀ ସମ୍ମିଳନୀ ଏକ ସ୍ୱଚ୍ଛ, ସ୍ଥାୟୀ ଏବଂ ଦକ୍ଷ ଖଣି ଇକୋ-ସିଷ୍ଟମ ଗଠନ ପାଇଁ ମନ୍ତ୍ରଣାଳୟର ପ୍ରତିବଦ୍ଧତାକୁ ଗୁରୁତ୍ୱ ଦେଉଛି । ଏହି ପଦକ୍ଷେପର ଲକ୍ଷ୍ୟ ହେଉଛି ଭାରତର ଖଣିଜ ସମ୍ପଦର ସମ୍ଭାବନାକୁ ଉନ୍ମୋଚନ କରିବା ଏବଂ "ବିକାଶିତ ଭାରତ ୨୦୪୭"ର ଦୃଷ୍ଟିକୋଣ ଅଧୀନରେ ଦେଶର ବିକାଶରେ ଯୋଗଦାନ ଦେବା ।
ଇଟିଭି ଭାରତ, ନିମାପଡ଼ା/ପୁରୀ
