ସୁବର୍ଣ୍ଣପୁର: ଜିଲ୍ଲାର ବୀରମହାରାଜପୁର ଥାନା ଅନ୍ତର୍ଗତ ମୁର୍ଷୁଣ୍ଢୀସ୍ଥିତ ଭାରତୀୟ ଷ୍ଟେଟ୍ ବ୍ୟାଙ୍କରେ ଏଟିଏମ୍ ଲୁଟ୍ । ବିଳମ୍ବିତ ରାତ୍ରୀରେ ଦୁର୍ବୁର୍ତ୍ତ ଏହାକୁ ଭାଙ୍ଗି ଦେଇଛନ୍ତି। ଟଙ୍କା ଲୁଟ୍ ଉଦ୍ଦେଶ୍ୟରେ ଷ୍ଟେଟ୍ ବ୍ୟାଙ୍କ କ୍ୟାମ୍ପସରେ ଥିବା ଏଟିଏମ୍କୁ ଭାଙ୍ଗିଥିଲେ ଦୁର୍ବୁର୍ତ୍ତ । ମାତ୍ର ଏଟିଏମରୁ ଟଙ୍କା ଚୋରି ହୋଇଛି ନା ନାହିଁ ତାହାର କୌଣସି ସୂଚନା ମିଳିନାହିଁ ।
ଏସ୍ବିଆଇ ଏଟିଏମ୍ ଲୁଟ୍ ଉଦ୍ୟମ
ସୂଚନାଅନୁସାରେ, ବୁଧବାର ସନ୍ଧ୍ୟାରେ ଏଟିଏମ୍ରେ ଟଙ୍କା ଭର୍ତ୍ତି କରା ଯାଇଥିଲା। ଯାହାପରେ ଏହାକୁ ଲୁଟ୍ ପାଇଁ ଉଦ୍ୟମ କରିଥିଲେ ଲୁଟେରା । ଏନେଇ ବୀରମହାରାଜପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ତେବେ ଏହି ଅଞ୍ଚଳରେ ଥିବା ଏକମାତ୍ର ଏଟିଏମର ସୁରକ୍ଷା ପାଇଁ ଅନେକ ଥର ବ୍ୟାଙ୍କ କର୍ତ୍ତୃପକ୍ଷଙ୍କୁ ଅନୁରୋଧ କରାଯାଇ ଥିଲେ ମଧ୍ୟ, ସେମାନେ ନୀରବ ରହିଥିବା ଅଭିଯୋଗ କରିଛନ୍ତି ଗ୍ରାମବାସୀ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
