ସୁବର୍ଣ୍ଣପୁର: ସହରରେ ଜିଲ୍ଲା ପୋଲିସ ପକ୍ଷରୁ ଗାଡି ମୋଟର ଚେକିଂ କଡାକଡି କରାଯାଇଛି । ଜିଲ୍ଲା ଆରକ୍ଷୀ ଅଧିକ୍ଷକ ସୀତାରାମ ଶତପଥୀଙ୍କ ନିର୍ଦ୍ଦେଶରେ ସମସ୍ତ 6 ଗୋଟି ବ୍ଲକ ସଦର ମହକୁମାରେ ବି ଚେକିଂ ଚାଲିଛି।
କୋରୋନା ଦ୍ଵିତୀୟ ଲହର ଯୋଗୁଁ ଗାଡି ମୋଟର କାଗଜପତ୍ର ସହିତ ହେଲମେଟ ଓ ମାସ୍କ ଚେକିଂ ଜୋରଦାର କରାଯାଇଛି। ମାସ୍କ ପିନ୍ଧି ନଥିବା ବ୍ୟକ୍ତି ମାନଙ୍କ ପାଖରୁ ଦୁଇ ହଜ଼ାର ଟଙ୍କା ଲେଖାଏଁ ଫାଇନ ଆଦାୟ କରାଯାଉଛି। ଶନିବାର ସଦର ମହକୁମାର ନଳିନୀ ଛକ ଓ ବ୍ଲକ ଛକରେ ଚେକିଂ କରାଯାଇଛି।
ତେବେ ପୋଲିସ ପକ୍ଷରୁ କୋରୋନା ସଂକ୍ରମଣ ପାଇଁ ମାସ୍କ ପରିଧାନ କରିବା ,ହାତ ଧୋଇବା ,45 ବର୍ଷରୁ ଅଧିକ ବୟସ୍କ ବ୍ୟକ୍ତି କୋରୋନା ଟୀକା ନେବା ଓ ଜରୁରୀ କାର୍ଯ୍ୟ ନ ହେଲେ ଘରେ ରହିବା ଆଦି ବିଷୟରେ ସଚେତନ କରୁଛନ୍ତି।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
