ସୁବର୍ଣ୍ଣପୁର: ଶେଷରେ ଅନେକ ଦିନ ପରେ ଜଣେ ଭାରତୀୟ ପ୍ରଶାସନିକ ସେବାର ଅଫିସରଙ୍କୁ ଐତିହାସିକ ଜିଲ୍ଲା ସୁବର୍ଣ୍ଣପୁରର ଜିଲ୍ଲାପାଳ ଭାବେ ରାଜ୍ୟ ସରକାର ନିଯୁକ୍ତି ଦେଇଛନ୍ତି । ବହୁଦିନ ପରେ ଜଣେ ଦକ୍ଷ ଓ ମହିଳା ଜିଲ୍ଲାର ଜିଲ୍ଲାପାଳ ଭାବେ ଦାୟିତ୍ବ ଗ୍ରହଣ କରିଥିବାରୁ ଜିଲ୍ଲାବାସୀ ବେଶ ଖୁସି ବ୍ୟକ୍ତ କରିବା ସହ ଜିଲ୍ଲାପାଳଙ୍କ ଠାରୁ ଅନେକ କିଛି ଆଶା ରଖିଛନ୍ତି ।
ଅନ୍ୟପଟେ ଆଜି ଦାୟିତ୍ୱ ଗ୍ରହଣ କରିବା ପରେ ଜିଲ୍ଲାପାଳ ମନୀଷା ବାନାର୍ଜୀ କହିଛନ୍ତି ଜିଲ୍ଲାର ଯେମିତି କେହି ବି ଜଣେ ମୌଳିକ ସୁବିଧାରୁ ବଞ୍ଚିତ ନ ହେବେ, ସେଥିପାଇଁ ସେ କାମ କରିବେ । ଏହାସହ ସରକାରଙ୍କ ସମସ୍ତ ଯୋଜନା ଗୁଡିକ ଯେମିତି ଠିକ ସମୟରେ ଠିକ ଲୋକଙ୍କ ପାଖରେ ପହଞ୍ଚି ପାରିବ, ସେଥିପାଇଁ ସବୁ ପଦକ୍ଷେପ ଗ୍ରହଣ କରିବେ ।
ଖାଲି ଏତିକିରେ ସୀମିତ ରହିବ ନାହିଁ ନୂତନ ଜିଲ୍ଲାପାଳଙ୍କ କାର୍ଯ୍ୟ । ସହରକୁ ସ୍ବଚ୍ଛ ସୁନ୍ଦର କରିବା ସହ ପାଣି, ବିଜୁଳି ଓ ରାସ୍ତାର ଥିବା ସବୁ ସମସ୍ୟାକୁ ସମାଧାନ କରିବା ପାଇଁ ପଦକ୍ଷେପ ନେବେ ବୋଲି କହିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
