ସୁବର୍ଣ୍ଣପୁର: ଅଭିନବ ଉପାୟରେ ହେଉଥିଲା ଗଞ୍ଜେଇ ଚୋରା ଚାଲାଣ । ସୁବର୍ଣ୍ଣପୁର ପୋଲିସ ଚଢ଼ାଉ କରି ଗଞ୍ଜେଇ ବୋଝେଇ ଗାଡିକୁ ଜବତ କରିବା ସହ ଡ୍ରାଇଭରକୁ ଗିରଫ କରିଛି । ଏହାସହ ଅଧିକ ତଦନ୍ତ ଜାରି ରଖିଛି । ଜିଲ୍ଲାର ଉଲୁଣ୍ଡା ବ୍ଲକ ରକ୍ସା ଛକରେ ଗଞ୍ଜେଇ ବୋଝେଇ କନଣ୍ଟେନର ଉପରେ ପୋଲିସ ଚଢ଼ାଉ କରିଛି ।
ବିପୁଳ ପରିମାଣର ଗଞ୍ଜେଇ ଜବତ
ସୂଚନା ଅନୁସାରେ, ଗାଡିଟି ଗଞ୍ଜେଇ ନେଇ ଜିଲ୍ଲା ବାହାରକୁ ଚୋରା ଚାଲାଣ ହେଉଥିଲା ବେଳେ ବିରମହାରାଜପୁର ପୋଲିସ କୈଣସି ସୂତ୍ରରୁ ଖବର ପାଇ ଗାଡିକୁ ଅଟକାଇ ଚଢ଼ାଉ କରିଥିଲା । କଣ୍ଟେନର ଉପରେ ଖାଲି ଅଖା ତଳେ ବିପୁଳ ପରିମାଣର ଗଞ୍ଜେଇ ଚୋରାଚାଲାଣ ହେଉଥିଲା ।
ବୌଦ୍ଧ ଜିଲ୍ଲା କଣ୍ଟାମାଳରୁ ରାଞ୍ଚି ଗଞ୍ଜେଇ ଚୋରା ଚାଲାଣ ହେଉଥିବା ପୋଲିସ ପ୍ରାଥମିକ ତଦନ୍ତରୁ ଜାଣି ପାରିଥିଲା । ଘଟଣାସ୍ଥଳରେ ବିରମହାରାଜପୁର ଏସଡିପିଓ ,ଆଇଆଇସି ମାଜିଷ୍ଟ୍ରେଟଙ୍କ ଉପସ୍ଥିତିରେ ଗଞ୍ଜେଇ ଓଜନ କରାଯାଇଛି । ପ୍ରାୟ 10 କୁଇଣ୍ଟାଲରୁ ଅଧିକ ପରିମାଣର ଗଞ୍ଜେଇ ଥିବା ଜଣାପଡିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ତା,ଇଟିଭି ଭାରତ
