ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲାରେ 45 ଜଣ ପୋଲିସ କର୍ମଚାରୀ କୋରୋନାରେ ସଂକ୍ରମିତ ହୋଇଥିବା ଜିଲ୍ଲା ଆରକ୍ଷୀ ଅଧିକ୍ଷକ ଦେବୀ ପ୍ରସାଦ ଦାସ ସୂଚନା ଦେଇଛନ୍ତି । ଗ୍ରାମାଞ୍ଚଳରୁ ଆରମ୍ଭ କରି ସହର ଯାଏଁ ଲକଡାଉନ, ସଟଡାଉନ, କର୍ଫ୍ୟୁକୁ କଡ଼ାକଡ଼ି ଭାବେ ପାଳନ କରି କୋରୋନା ଯୋଦ୍ଧାମାନେ ଦିନରାତି ପରିଶ୍ରମ କରିବା ପରେ ଏହି ମହାମାରୀର ଶିକାର ହୋଇଛନ୍ତି।
କେତେବେଳେ ମାସ୍କ ଚେକିଂ ତ ଆଉ କେତେବେଳେ ସାମାଜିକ ଦୂରତ୍ୱ ରକ୍ଷା କରିବା ପାଇଁ ଜିଲ୍ଲା ପୋଲିସ ଅନବରତ କାର୍ଯ୍ୟ କରୁଛି । ଜୀବନ ଯାତ୍ରା ସ୍ୱାଭାବିକ ହେବା ପରେ ବି ପୋଲିସ କର୍ମଚାରୀମାନେ ଜନସାଧାରଣଙ୍କ ଭିତରେ ସଚେତନତା କାର୍ଯ୍ୟକ୍ରମ କରୁଛନ୍ତି ।
ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନେତୃତ୍ୱରେ ଜାଗ୍ରତ ପ୍ରହରୀ ଭାବେ ଜିଲ୍ଲା ପୋଲିସ କାର୍ଯ୍ୟ କରୁଥିବା ବେଳେ ସେମାନଙ୍କୁ ବି ମହାମାରୀ କବଳିତ କରିଛି । ତେବେ ଦୁଇ ଜଣ କର୍ମଚାରୀ ଏବେ କୋଭିଡ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସିତ ହେଉଥିବା ବେଳେ 10 ଜଣ ସୁସ୍ଥ ଅଛନ୍ତି । ଅନ୍ୟମାନେ ଚିକିତ୍ସାଧିନ ଅବସ୍ଥାରେ ଘରେ କ୍ବାରେଣ୍ଟାଇନରେ ଥିବା ଏସପି ସୂଚନା ଦେଇଛନ୍ତି । ଜିଲ୍ଲାବାସୀ ଏହି କୋରୋନା ଯୋଦ୍ଧାଙ୍କ ଆରୋଗ୍ୟ କାମନା କରିଛନ୍ତି ।
ସୁବର୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
