ସୁବର୍ଣ୍ଣପୁର: ଜିଲ୍ଲାର ଡୁଙ୍ଗୁରିପାଲି ବ୍ଲକ ଶୁଖା ଗାଁରେ ଧାନ ଖଳା ପୋଡିଲେ ଦୁର୍ବୃତ୍ତ । ମନବୋଧ ନାଏକ ନାମକ ଜଣେ ଚାଷୀ ଅମଳ ଧାନକୁ ଖଳାରେ ରଖିଥିବାବେଳେ କେହି ଦୁର୍ବୃତ୍ତ ନିଆଁ ଲଗାଇଦେଇଥିବା ଅଭିଯୋଗ ହୋଇଛି ।
ପାଉଁଶ ହେଲା ପ୍ରରିଶ୍ରମ: ଧାନ ଖଳା ପୋଡିଲେ ଦୁର୍ବୁତ୍ତ
ଯାହାଫଳରେ ଅର୍ଦ୍ଧାଧିକ ଧାନ ପୋଡି ନଷ୍ଟ ହୋଇଯାଇଛି । ତେବେ କେଉଁ କାରଣରୁ ଏବଂ କିଏ ନିଆଁ ଲଗାଇଛି ତାହା ସ୍ପଷ୍ଟ ହୋଇପାରିନାହିଁ । ଘଟଣାସ୍ଥଳରେ ଡୁଙ୍ଗୁରିପାଲି ଦମକଳ କେନ୍ଦ୍ରରୁ ଦୁଇଟି ଦମକଳ ଗାଡି ପହଞ୍ଚି ନିଆଁକୁ ଆୟତ୍ତ କରିଥିବା ସୂଚନା ମିଳିଛି ।
ତେବେ ମନବୋଧ ନିଜର 6 ଏକର ଜମିରେ ଚାଷ କରିଥୁବା ଅମଳ ଧାନକୁ ଖଳାରେ ରଖିଥିଲେ। କ୍ଷତିଗ୍ରସ୍ତ ଚାଷୀକୁ କ୍ଷତିପୂରଣ ପ୍ରଦାନ କରିବାକୁ ଦାବି କରିଛନ୍ତି ସ୍ଥାନୀୟ ଲୋକେ ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
