ସୁବର୍ଣ୍ଣପୁର: ଉଫୁଲା ସେବା ସମବାୟ ସମିତିରେ ଚଳିତ ଖରିଫ ଋତୁ ଧାନ ବିକ୍ରିରେ ସମସ୍ୟା ସୃଷ୍ଟି ହୋଇଛି।ଚାଷୀ ନିଜ ଉତ୍ପାଦିତ ଧାନ ବିକ୍ରି କରି ନ ପାରିବାରୁ ଆଜି ରାସ୍ତା ଅବରୋଧ କରିଛନ୍ତି। ବୀରମହାରାଜପୁର-ସୁବର୍ଣ୍ଣପୁର ରାଜ୍ୟ ରାଜପଥ ଅବରୋଧ କରିବା ଫଳରେ ଲୋକେ ଅସୁବିଧାର ସମ୍ମୁଖୀନ ହୋଇଛନ୍ତି।
ଉଫୁଲା ସେବା ସମବାୟ ସମିତିରେ ଧାନ ବିକ୍ରିରେ ବିଳମ୍ବ, ଚାଷୀଙ୍କ ରାସ୍ତାରୋକ
ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ଅଧିକାରୀ ଘଟଣାସ୍ଥଳକୁ ପହଞ୍ଚି ଚାଷୀଙ୍କ ସହିତ ଆଲୋଚନା କରୁଛନ୍ତି। ହେଲେ ଧାନ ବିକ୍ରି ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଚାଷୀ କହିଛନ୍ତି।
ଆଜକୁ 15 ଦିନ ଧରି ପେକ୍ସରେ ରାତିରେ ଶୋଇ ରହୁଛନ୍ତି ଚାଷୀ । ହେଲେ ଧାନ ଗାଡ଼ି ଆସୁ ନଥିବାରୁ ପ୍ରାୟ 10 ହଜାର କୁଇଣ୍ଟାଲ ଧାନ ପେକ୍ସରେ ପଡି ରହିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
