ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲାପାଳଙ୍କ କାର୍ଯ୍ୟାଳୟର ରେକର୍ଡ ରୁମ ଅବସ୍ଥା ବେଶ ଶୋଚନୀୟ ହୋଇ ପଡିଛି । ଆବଶ୍ୟକ ରକ୍ଷଣା ବେକ୍ଷଣ ଓ କର୍ମଚାରୀଙ୍କ ଅଭାବରୁ ଲୋକେ ରାଜସ୍ବ ସୂଚନା ଅବା ରେକର୍ଡ କପି ପାଇପାରୁ ନାହାଁନ୍ତି । ବିଶେଷକରି ଚତୁର୍ଥ ବନ୍ଦୋବସ୍ତର ରେକର୍ଡ ଗୁଡିକ ଅତି ପୁରାତନ ହୋଇଥିବାରୁ ସେଗୁଡିକ ହାତରେ ଧରିଲେ ଗୁଣ୍ଡ ହୋଇ ଯାଉଛି ।
1993 ମସିହାରେ ଜିଲ୍ଲା ଗଠନ ହେବା (Even after 28 years of formation of Subarnapur district) ପରେ ବି ଆଜିଯାଏଁ ବଲାଙ୍ଗୀର ଜିଲ୍ଲାପାଳଙ୍କ ରେକର୍ଡ ରୁମରୁ ସୁବର୍ଣ୍ଣପୁର ରେକର୍ଡରୁମକୁ ରାଜସ୍ବ ରେକର୍ଡ ଗୁଡିକ ଅଣାଯାଇ ପାରିଲା ନାହିଁ । ଫଳରେ ଜିଲ୍ଲାର ଜନସାଧାରଣ ସାଧାରଣ ରାଜସ୍ବ ସୂଚନା ଓ ରେକର୍ଡ କପି ପାଇଁ 50 କିଲୋମିଟର ଦୂର ବଲାଙ୍ଗୀର ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଉଛନ୍ତି ।
ଏ ସଂପର୍କରେ ଜିଲ୍ଲା ଓକିଲ ସଂଘ ଓ ବିଭିନ୍ନ ଅନୁଷ୍ଠାନ ପକ୍ଷରୁ ବାରମ୍ବାର ଆପତ୍ତି ଅଭିଯୋଗ କଲେ ବି କେହି ଶୁଣୁ ନାହାନ୍ତି । ଏବେ ଚୁତୁର୍ଥ ବନ୍ଦୋବସ୍ତର ଯାହାବି ରାଜସ୍ବ ନଥିପତ୍ର ରହିଛି ସେଗୁଡିକ ସ୍କାନ କରି ରଖିବା ପାଇଁ ଦାବି ହେଉଛି । ରେକର୍ଡ ଗୁଡିକ ଅତି ପୁରୁଣା ହୋଇ ଯାଇଥିବାରୁ ରେକର୍ଡ ସବୁ ଚିରି ଯାଉଥିବା ବେଳେ ରେକର୍ଡ ସହକାରୀଙ୍କୁ ରେକର୍ଡ ଖୋଜି ବାହାର କରିବା ପାଇଁ ବେଶ କଷ୍ଟ ସ୍ବୀକାର କରିବାକୁ ପଡୁଛି ।
ତେବେ ପୁରୁଣା ରେକର୍ଡ ଗୁଡିକ ସୁରକ୍ଷା ଦେବା ସହିତ ବଲାଙ୍ଗୀର ଜିଲ୍ଲାରେ ରହିଥିବା ରେକର୍ଡ ସବୁ ଜିଲ୍ଲାକୁ ଆଣିବାକୁ ଦାବି ହେଉଛି କରିଛନ୍ତି ଆଇନଜୀବୀ, ସମାଜସେବୀ, ରାଜନୈତିକ ବ୍ୟକ୍ତି ବିଶେଷ ଓ ଜିଲ୍ଲାବାସୀ ।
ଏହାକୁ ନେଇ ଜିଲ୍ଲାପାଳ ଅବୋଲୀ ସୁନିଲ ନରୱଣେ କହିଛନ୍ତି ବଲାଙ୍ଗୀର ଜିଲ୍ଲାରେ ଥିବା ରେକର୍ଡ ଗୁଡିକ ଆଣିବା ପାଇଁ ଆବଶ୍ୟକ ପଦକ୍ଷେପ ନିଆଯାଉଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
