ସୁବର୍ଣ୍ଣପୁର: ଉଲୁଣ୍ଡା ବନ ବିଭାଗ ଅନ୍ତର୍ଗତ ଗୁଜା ଗାଁରେ ହାତୀ ଆକ୍ରମଣ । ଏଥିରେ ଜଣେ ଗୁରୁତର ହେବା ସହ ଘର ମଧ୍ୟ ଭାଙ୍ଗିଦେଇଛି । ଏକ ବଣୁଆ ହାତୀ ଗାଁ ମୁଣ୍ଡରେ ଥିବା ଅଶୋକ କେରକେଟାଙ୍କ ଘର ଉପରେ ରାତିରେ ଆକ୍ରମଣ କରିଥିଲା ।
ହାତୀ ଆକ୍ରମଣରେ ଜଣେ ଗୁରୁତର
ରାତିରେ ଅଶୋକ ନିଜ ସ୍ତ୍ରୀ ଓ ଦୁଇ ଛୁଆଙ୍କ ସହ ଶୋଇଥିବାବେଳେ ଘର ଉପରେ ଆକ୍ରମଣ କରିଥିଲା ହାତୀ । ଏଥିରେ ଅଶୋକ ଗୁରୁତର ଆହତ ହୋଇଥିଲେ । ଅଶୋକଙ୍କୁ ପ୍ରଥମେ ଉଲୁଣ୍ଡା ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବୁର୍ଲାକୁ ସ୍ଥାନାନ୍ତର କରାଯାଇଛି । ବନ ବିଭାଗ ଘଟଣାର ତଦନ୍ତ କରି ଅଶୋକଙ୍କୁ ଚିକିତ୍ସା ପାଇଁ ଆବଶ୍ୟକ ପଦକ୍ଷେପ ନେବା ସହ 4 ହଜାର ଟଙ୍କା ସହାୟତା ପ୍ରଦାନ କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
