ସୁବର୍ଣ୍ଣପୁର: ନାଳରୁ ଯୁବକଙ୍କ ମୃତ ଦେହ ଉଦ୍ଧାର। ଡୁଙ୍ଗୁରିପାଲି ଥାନା ଅନ୍ତର୍ଗତ ଚମ୍ପାଡୁଲି ଗାଁରେ ପୋଲିସ ଏକ ମୃତ ଦେହକୁ ଉଦ୍ଧାର କରିଛି। ମୃତକ 30 ବର୍ଷୀୟ ଭୋଜରାଜ ବଗର୍ତି ବୋଲି ଜଣା ପଡିଛି। ପାଣିରେ ବୁଡ଼ି ଭୋଜରାଜର ମୃତ୍ୟୁ ହୋଇଛି ।
ନାଳରୁ ଯୁବକଙ୍କ ମୃତ ଦେହ ଉଦ୍ଧାର
ସୂଚନା ଅନୁଯାୟୀ ଭୋଜରାଜ ଗୁରୁବାର ଦିନ ଅପରାହ୍ନ ୪ଟା ସମୟରେ ନିକଟସ୍ଥ କେନ୍ଦୁଟିକିରା ଗାଁକୁ ନିଜର ଘରକାମ କରେଇବା ପାଇଁ ରାଜମିସ୍ତ୍ରୀ ଖୋଜି ଯାଇଥିଲେ ।ହେଲେ ସେ ଆଉ ଘରକୁ ଫେର ନ ଥିଲେ।ପରିବାରୁ ଲୋକେ ଅନେକ ଖୋଜାଖୋଜି କଲାପରେ କଲ୍ଳାଯୋରର ଏକ ଗାଡ଼ିଆର ପାଣି ଭିତରେ ତାଙ୍କ ମୃତଦେହ ପଡିଥିବା ଦେଖିବାକୁ ମିଳିଥିଲା। ଅଗ୍ନିଶମ କର୍ମଚାରୀଙ୍କ ସହଯୋଗରେ ତାଙ୍କ ମୃତ ଦେହକୁ ଉଦ୍ଧାର କରାଯାଇଥିଲା।ଘଟଣାସ୍ଥଳକୁ ଡୁଙ୍ଗୁରିପାଲି ପୋଲିସ ପହଞ୍ଚି ଅଧିକ ତଦନ୍ତ କରୁଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
