ସୁବର୍ଣ୍ଣପୁର: ଜଙ୍ଗଲ ଭିତରେ ହାତୀର ମୃତ୍ୟୁ ହେବାର ସପ୍ତାହେରୁ ଅଧିକ ଦିନ ପରେ ବି ଜାଣି ପାରିନାହିଁ ବନବିଭାଗ । ଏପରି ଏକ ହାତୀ ଶାବକର ମୃତ୍ୟୁ ହୋଇଥିବା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ସଦର ରେଞ୍ଜ ବାରପାହାଡ଼ ଜଙ୍ଗଲର ଡୁମେରଖୋଲ ଗାଁ ପାଖରେ ।
ହାତୀ ଶାବକର ମୃତ୍ୟୁ
ଅନେକ ଦିନ ଆଗରୁ ଏକ ହାତୀ ଶାବକର ମୃତ୍ୟୁ ହୋଇଛି । ବନବିଭାଗ ଉକ୍ତ ହାତୀ ଶାବକର ଗଳିତ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ବ୍ୟବସ୍ଥା କରିଛି । ହାତୀ ଶାବକର ବୟସ ଦେଢ଼ ବର୍ଷ ହେବ ବୋଲି ଜଙ୍ଗଲ ବିଭାଗ ସୂଚନା ଦେଇଛି । କିଛି ଦିନହେଲା ବାରପାହାଡ଼ ଜଙ୍ଗଲରେ ଏକ ହାତୀ ପଲ ରହି ଆସୁଥିଲେ । ହେଲେ ସେଥିମଧ୍ୟରୁ ଗୋଟିଏ ଛୁଆ ହାତୀର ମୃତ୍ୟୁ ହୋଇଛି ।
ବନ ବିଭାଗ କର୍ମଚାରୀ ଯାଇ ହାତୀର ଗଳିତ ମୃତଦେହକୁ ବ୍ୟବଚ୍ଛେଦ କରି ପୋତି ଦେବା ପାଇଁ ଆବଶ୍ୟକ ବ୍ୟବସ୍ଥା କରୁଛି । ଅତ୍ୟଧିକ ଶୀତ କିମ୍ବା କୁର୍ମି ଜନିତ ମୃତ୍ୟୁ ହୋଇଥିବା ସନ୍ଦେହ କରାଯାଉଛି ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
