ସୁବର୍ଣ୍ଣପୁର: ଆଶ୍ରମ ବାବାଙ୍କ ଗଳାକାଟି ନିର୍ମମ ହତ୍ୟା । ଏପରି ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ସଦର ବ୍ଲକ ଅନ୍ତର୍ଗତ ଵିଶିମୁଣ୍ଡା ଅଞ୍ଚଳରେ । ଘଟଣାରେ ପୋଲିସ ତଦନ୍ତ ଆରମ୍ଭ କରିଛି ।
ସୂଚନାଅନୁସାରେ, ମର୍ଗାବାଡି ଛକରେ ଥିବା ଏକ ଆଶ୍ରମରେ ଜଣେ ବାବା କୃଷ୍ଣଚନ୍ଦ୍ର ଦାସଙ୍କୁ କେହି ଦୁର୍ବୃତ୍ତ ଗଳା କାଟି ହତ୍ୟା କରିଛି । ସକାଳ ପ୍ରାୟ 10ଟା ହୋଇଥିଲେ ବି ଆଶ୍ରମରେ ଥିବା ଘର ଭିତରୁ କେହି ବାହାରି ନଥିଲେ । କିଛି ଲୋକ ଘର ଭିତରକୁ ଯାଇ ଦେଖିଥିଲେ । ବାବାଙ୍କ କେହି ଗଳା କାଟି ହତ୍ୟା କରିଥିବା ଦେଖିବାକୁ ପାଇଥିଲେ ସ୍ଥାନୀୟ ଲୋକ ।
ଆଶ୍ରମ ବାବାଙ୍କୁ ଗଳାକାଟି ହତ୍ୟା
ଏହା ପରେ ପୋଲିସକୁ ଖବର ଦେଇଥିଲେ ଲୋକେ । ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି । ତେବେ କିଏ ଓ କାହିଁକି ଏହି ହତ୍ୟାକାଣ୍ଡ ଘଟାଇଛି ତାହା ତଦନ୍ତ ପରେ ସ୍ପଷ୍ଟ ହେବ । ବାବାଙ୍କ ଶେଷ ଦର୍ଶନ ପାଇଁ ଆଖପାଖ ଅଞ୍ଚଳରେ ଅନେକ ଲୋକଙ୍କ ଭିଡ ଲାଗିଥିଲା ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା,ଇଟିଭି ଭାରତ
