ସୁବର୍ଣ୍ଣପୁର: ଦୀର୍ଘ 8 ମାସ ପରେ ଫିଟିଲା ହତ୍ୟାକାଣ୍ଡର ରହସ୍ୟ । ପୋଲିସ କବଜାରେ ଅପରାଧୀ । ସୁବର୍ଣ୍ଣପୁର ଜିଲ୍ଲା ବିରମହରାଜପୁର ଥାନା ଅନ୍ତର୍ଗତ ବ୍ରାହ୍ମଣୀ ପାଲି ଗାଁର ଘଟଣା । ଗତ 12 ମାର୍ଚ୍ଚ 2019ରେ ଘଟିଥିଲା ଏକ ହତ୍ୟାକାଣ୍ଡ ।
25 ବର୍ଷୀୟ ରଶ୍ମିତା ନାଇକଙ୍କ ସ୍ବାମୀ ସୁଶାନ୍ତ ନାଇକଙ୍କୁ ହତ୍ୟାକରି ପିପିଲି ପାଲିର ଏକ ପରିତ୍ୟକ୍ତ କୂଅରେ ଫିଙ୍ଗି ଦେଇଥିବା ଅଭିଯୋଗ ହୋଇଥିଲା । ପୋଲିସ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ କରିବା ସହିତ ତଦନ୍ତ ଜାରି ରଖିଥିଲା । ପ୍ରାୟ ଦୀର୍ଘ 8 ମାସ ପରେ ପୋଲିସ ଏହି ହତ୍ୟା ଘଟଣାର ପର୍ଦାଫାସ କରିବା ସହିତ ତିନିଜଣ ଆସମୀକୁ ଗିରଫ କରିବାରେ ସଫଳ ହୋଇଛି ।
ଅଭିଯୁକ୍ତମାନେ ହେଲେ ଇଛାପୁର ଗାଁର ଅଗସ୍ତି କରଡ଼ିଆ (20), ପାର୍ବତୀପୁରର ପ୍ରକାଶ ଭୋଇ(25) ଓ ସୁଜିତ ବେହେରା(26) । ତେବେ ପୂର୍ବ ଶତ୍ରୁତାକୁ ନେଇ ଏହି ହତ୍ୟାକାଣ୍ଡ ଘଟିଥିବା ପୋଲିସ ସୂଚନା ଦେଇଛି । ପିପିଲି ପାଲିକୁ ଏକ ବରାଯାତ୍ରୀ ଦଳରେ ଯାଇ ମୃତକ ସୁଶାନ୍ତକୁ ଡାକିନେଇ ତଣ୍ଟିଚିପି ହତ୍ୟା କରି କୂଅରେ ଫିଙ୍ଗି ଦେଇଥିବା ପ୍ରମାଣ ପୋଲିସ ଅନୁସନ୍ଧାନରୁ ଜାଣିପାରିଛି । ସମସ୍ତ ଆସାମୀକୁ ଶୁକ୍ରବାର ଗିରଫ କରିବା ସହିତ କୋର୍ଟ ଚାଲାଣ କରାଯିବ ବୋଲି ଜିଲ୍ଲା ଆରକ୍ଷୀ ଅଧିକ୍ଷକ ସୂଚନା ଦେଇଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
