ସୁବର୍ଣ୍ଣପୁର: ଧର୍ମଶାଳା-ସମ୍ବଲପୁର ରାଜ୍ୟ ରାଜପଥର ଏସ ପତ୍ରାପାଲି ଛକ ନିକଟରେ ଘଟିଛି ସଡ଼କ ଦୁର୍ଘଟଣା । ଏହି ଦୁର୍ଘଟଣାରେ 3 ଜଣଙ୍କ ମୃତ୍ୟୁ ଘଟିଛି । ସେପଟେ ଉତ୍ୟକ୍ତ ଲୋକେ ଦୁର୍ଘଟଣା ଘଟଣାଇଥିବା ଗାଡିକୁ ନିଆଁ ଲଗାଇଦେଇଥିବା ସୂଚନା ମିଳିଛି ।
ସୂଚନା ଅନୁସାରେ ସୁବର୍ଣ୍ଣପୁର ଜିଲ୍ଲାର ପତ୍ରାପାଲି ଛକ ନିକଟରେ ସଡକ ଦୁର୍ଘଟଣା ଘଟିଛି । ଏକ ମୋଟର ସାଇକେଲ ଆରାହୀଙ୍କ ସହିତ ଏକ ଇଣ୍ଡିକା କାର ମୁହାଁ ମୁହିଁ ଧକ୍କା ହୋଇଥିଲା । ଫଳରେ ବାଇକ ଆରୋହୀଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା। ବାଇକ ପଛ ସିଟରେ ବସିଥିବା ଯୁବକ ଗୁରୁତର ହୋଇପଡିଥିଲେ । ତାଙ୍କୁ ଗୁରୁତର ଅବସ୍ଥାରେ ବୁର୍ଲା ଡାକ୍ତରଖାନାରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେହିପରି ପ୍ରସୂତି ସାରି ଦୁର୍ଘଟଣାଗ୍ରସ୍ତ ଇଣ୍ଡିକା କାରରେ ଆସୁଥିବା ଜଣେ ମହିଳାଙ୍କର ମଧ୍ୟ ମୃତ୍ୟୁ ହୋଇଛି ।
ଦୁର୍ଘଟଣା ଘଟାଇଥିବା ଇଣ୍ଡିକା କାରଟି ବାଇକ ଆରୋହୀଙ୍କ ସହ ମୁହାଁମୁହିଁ ଧକ୍କା ହେବାପରେ ରାସ୍ତା ତଳକୁ ଓଲଟି ଯାଇଥିଲା । ସେଠାରେ ଉପସ୍ଥିତ ଉତ୍ୟକ୍ତ ଲୋକେ ଇଣ୍ଡିକା କାରଟିକୁ ପୋଡି ଦେଇଛନ୍ତି ।
ମୃତ୍ୟୁବରଣ କରିଥିବା ବାଇକ ଆରୋହୀ ସମ୍ବଲପୁର ଜିଲ୍ଲା ଭତରା ଗାଁର ପବନ ବାଘ ଓ ନରେଶ ବାଘ ଏବଂ ମହିଳା ଜଣକ ସୁବର୍ଣ୍ଣପୁର ଜିଲ୍ଲାର ସୁରୁ ଭଇନା ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହିତ ଦୁର୍ଘଟଣାର ତଦନ୍ତ କରୁଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
