ସମ୍ବଲପୁର:କୁମ୍ଭାରପଡା ଦାନୀ ବନ୍ଦ ପୋଖରୀରୁ ଯୁବକଙ୍କ ମୃତଦେହ ଉଦ୍ଧାର । ପୋଖରୀ ଭିତରୁ ଉଦ୍ଧାର ହୋଇଥିବା ମୃତ ଯୁବକ ଜଣକ ହେଲେ ଦାନୀବନ୍ଦ ଅଞ୍ଚଳ ଏମଡି ବଣ୍ଟି । ମୃତଦେହ ଉଦ୍ଧାର କରିବା ପରେ ଟାଉନଥାନା ପୋଲିସ ଘଟଣାର ଛାନଭିନ କରୁଛି ।
ପୋଖରୀରୁ ଯୁବକଙ୍କ ମୃତ ଦେହ ଉଦ୍ଧାର, ହତ୍ୟା ସନ୍ଦେହ
ମିଳିଥିବା ସୂଚନା ଅନୁଯାୟୀ ଆଜି ସକାଳୁ ପୋଖରୀରେ ଏମଡି ବଣ୍ଟିଙ୍କ ମୃତଦେହ ଭାସୁଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ । ଏନେଇ ପୋଲିସକୁ ଖବର ଦେବା ପରେ ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ତେବେ ଯୁବକଙ୍କ ଶରୀରେ କ୍ଷତ ଚିହ୍ନ ରହିଥିବାରୁ ଏହା ଏକ ହତ୍ୟାକାଣ୍ଡ ହୋଇଥାଇ ପାରେ ବୋଲି ସନ୍ଦେହ କରାଯାଉଛି । ତେବେ ପୋଲିସ ଏନେଇ କିଛି ପ୍ରତିକ୍ରିୟା ଦେଇନଥିବା ବେଳେ ମୃତକଙ୍କ ପରିବାର ପକ୍ଷରୁ ମଧ୍ୟ କୌଣସି ସୂଚନା ହସ୍ତଗତ ହୋଇନାହିଁ ।
ଇଟିଭି ଭାରତ, ସମ୍ବଲପୁର
