ସମ୍ବଲପୁର: ଜିଲ୍ଲାର ରେଙ୍ଗାଲି ଅଞ୍ଚଳରେ ଥିବା ଶ୍ୟାମ ଡିଆରଆଇ କମ୍ପାନିରେ ପୁଣି ଦୁର୍ଘଟଣା ଘଟିଛି । ଏଥିରେ ଜଣେ ବ୍ୟକ୍ତି ପ୍ରାଣ ହରାଇଥିବା ଜଣାପଡିଛି । ପୂର୍ବରୁ ନିରାପତ୍ତା ବ୍ୟବସ୍ଥାର ଅଭାବରୁ ଏହି କମ୍ପାନିରେ ଅନେକ ସମୟରେ ଦୁର୍ଘଟଣା ଘଟୁଥିବାର ନଜର ରହି ଥିବାବେଳେ ଗତକାଲି(ବୁଧବାର) ପୁଣି ଏଭଳି ଦୁର୍ଘଟଣା ଘଟିଛି ।
ରେଙ୍ଗାଲି ବ୍ଲକ କତର ବଗା ଅଞ୍ଚଳର ରଞ୍ଜନ ବିଶ୍ୱାଳ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘିଟିଛି । କମ୍ପାନିର କନଭେନର ବେଲରେ ଚାପି ହୋଇ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ମୃତଦେହ ବ୍ୟବଚ୍ଛେଦ ପାଇଁ ବୁର୍ଲା ହସ୍ପିଟାଲ ପଠାଯାଇଛି ।
ହେଲେ କମ୍ପାନିରେ ଏଭଲି ଘଟଣା ନୁଆଁ ନୁହେଁ, ପୂର୍ବରୁ ଏହିଭଳି ଘଟଣା ବାରମ୍ବାର ଘଟି ଚାଲିଥିଲେ ମଧ୍ୟ କମ୍ପାନି କର୍ତ୍ତୃପକ୍ଷ ସବୁ ଦେଖି ମଧ୍ୟ ଚୁପ୍ ରହୁଥିବା ଅଭିଯୋଗ ହୋଇଛି l
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
