ସମ୍ବଲପୁର: ତୃତୀୟ ପର୍ଯ୍ୟାୟ ମତଦାନରେ ସମ୍ବଲପୁର ଭୋଟ ଦେଉଛି। ନିଜ ନେତାଙ୍କୁ ଚୟନ କରିବାକୁ ଉତ୍ସାହିତ ଜିଲ୍ଲାବାସୀ । ଭୁତାପଡା ପ୍ରାଥମିକ ବିଦ୍ୟାଳୟର ମତଦାନ କେନ୍ଦ୍ରରେ ସକାଳୁ ଦେଖିବାକୁ ମିଳିଛି ଭୋଟରଙ୍କ ଭିଡ। ମନ ପସନ୍ଦର ପ୍ରାର୍ଥୀଙ୍କୁ ବାଛୁଛନ୍ତି ମତଦାତା ।
"ନାଁ ନୁହେଁ, ଯିଏ କାମ କରିବ ସେମାନଙ୍କୁ ଭୋଟ ଦେବା ଉଚିତ ବୋଲି କହିଛନ୍ତି ଜଣେ ଭୋଟର।" ଏପରିକି ନୂଆ ଭୋଟରଙ୍କ ଠାରୁ ଆରମ୍ଭ କରି ବରିଷ୍ଠ ନାଗରିକ ମତଦାନ କେନ୍ଦ୍ରରେ ପହଞ୍ଚି ମତାଧିକାର ସାବ୍ୟସ୍ତ କରୁଛନ୍ତି । ଧାଡିରେ ଯାଇ ଭୋଟ ଦେଉଛନ୍ତି । ତେବେ ଜିଲ୍ଲାରେ ଶାନ୍ତି ଓ ଶୃଙ୍ଖଳାର ସହିତ ଭୋଟିଂ ଚାଲିଛି ।
ସକାଳ 7ଟାରୁ ଆରମ୍ଭ ହୋଇଛି ମତଦାନ।। ନୂଆ କରି ଭିଭିପାଟ ମେସିନରେ ଭୋଟ ଦେଇ ଖୁସି ଅଛନ୍ତି ଭୋଟର। ବୁଥରେ ଥିବା ପ୍ରିଜାଡିଂ ଅଫିସର ମଧ୍ୟ ସୁରୁଖୁରୁରେ ମତଦାନ ଚାଲିଥିବା କହିଛନ୍ତି । ତେବେ ସୁରକ୍ଷାକୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ କଡାକଡି ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
