ସମ୍ବଲପୁର: କ୍ଷେତରାଜପୁର ଥାନା ଅନ୍ତର୍ଗତ ବଡ଼ବଜାର ସଡକ ଘାଟ ନିକଟରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରିଛି ପୋଲିସ । ଯୁବକ ବେକରେ ରସି ଲଗାଇ ଗଛରେ ଝୁଲୁଥିବା ଅବସ୍ଥାରେ କିଛି ସ୍ଥାନୀୟ ଲୋକ ଦେଖିବାକୁ ପାଇଥିଲେ । ଏନେଇ କ୍ଷେତରାଜପୁର ପୋଲିସ ଷ୍ଟେସନକୁ ଖବର ଦିଆଯିବା ପରେ ଘଟଣା ସ୍ଥଳରେ ପୋଲିସ ପହଞ୍ଚି ମୃତଦେହକୁ ଉଦ୍ଧାର କରି ତଦନ୍ତ ଜାରି ରଖିଛି ।
କ୍ଷେତରାଜପୁର ସଡକଘାଟରୁ ଯୁବକଙ୍କ ଝୁଲନ୍ତା ମୃତ ଦେହ ଉଦ୍ଧାର
ସୂଚନା ଅନୁଯାୟୀ ମୃତ ଯୁବକ ଜଣଙ୍କ 32 ବର୍ଷ ବୟସ୍କ ସୁନୀଲ ସାହୁ । ସେ କ୍ଷେତରାଜପୁର ଥାନା ଅନ୍ତର୍ଗତ ବଡ଼ବଜାର ଅଞ୍ଚଳର କୁଷ୍ଠା ପଡାର ବାସିନ୍ଦା ବୋଲି ଜଣା ପଡ଼ିଛି । ମୃତ୍ୟୁର କାରଣ ଅସ୍ପଷ୍ଟ ରହିଥିବା ବେଳେ ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ ଜାରି ରଖିଛି ।
ସମ୍ବଲପୁରରୁ ବଦଶାହା ଜୁସ୍ମନ ରଣା, ଇଟିଭି ଭାରତ
