ସମ୍ବଲପୁର: ପୁଣି ସମ୍ବଲପୁର ବିଶ୍ବ ବିଦ୍ୟାଳୟରେ ପ୍ରଶ୍ନପତ୍ର ଲିକ । ଆଜି (ଶୁକ୍ରବାର) ଯୁକ୍ତ ତିନି ଶେଷ ବର୍ଷ ଫିଜିକ୍ସ ପରୀକ୍ଷାର ପ୍ରଶ୍ନପତ୍ର ଲିକ ହୋଇଛି । ଫଳରେ ସକାଳ 10 ଟାରୁ ହେବାକୁ ଥିବା ପରୀକ୍ଷା ବାତିଲ କରାଯାଇଛି । ଗତକାଲି ଯୁକ୍ତ ତିନି ଶେଷ ବର୍ଷ ଦ୍ଵିତୀୟ ସେମିଷ୍ଟରର ଏଜୁକେସନ ପରୀକ୍ଷା ପ୍ରଶ୍ନପତ୍ର ଲିକ ହୋଇଥିଲା।
ଏହା ମଧ୍ୟ ପଢ଼ନ୍ତୁ: ସମ୍ବଲପୁରରେ ପ୍ରଶ୍ନପତ୍ର ଲିକ୍, ଏଜୁକେସନ ଅନର୍ସ ପରୀକ୍ଷା ବାତିଲ
ସମ୍ବଲପୁର ବିଶ୍ୱ ବିଦ୍ୟାଳୟର ପରୀକ୍ଷା ପରିଚାଳନା ନେଇ ଉଠିଛି ପ୍ରଶ୍ନ । ଗୋଟିଏ ପରେ ଗୋଟିଏ ପ୍ରଶ୍ନ ପତ୍ର ଲିକ ହେବା ଘଟଣା ଏହାକୁ ପ୍ରମାଣିତ କରୁଛି । ଗୁରୁବାର ଏଜୁକେସନ ପରୀକ୍ଷାର ପ୍ରଶ୍ନପତ୍ର ଲିକ ହୋଇଥିବା ବେଳେ ଆଜି ପୁଣି ଫିଜିକ୍ସ ପରୀକ୍ଷା ପ୍ରଶ୍ନପତ୍ର ଲିକ ହୋଇଛି। ପରୀକ୍ଷା ପୂର୍ବରୁ ସୋସିଆଲ ମିଡିଆରେ ଘୁରି ପ୍ରଶ୍ନପତ୍ର ବୁଲୁଥିଲା । ଏହା ଜାଣିବା ପରେ ଆଜିର ପରୀକ୍ଷାକୁ ବାତିଲ କରାଯାଇଥିବା ବିଶ୍ୱ ବିଦ୍ୟାଳୟ କର୍ତ୍ତୃପକ୍ଷ ସୂଚନା ଦେଇଛନ୍ତି । ତେବେ ବାତିଲ ହୋଇଥିବା ପରୀକ୍ଷା ପୁଣି କେବେ ହେବ ତାହା ସ୍ପଷ୍ଟ କରାଯାଇନାହିଁ ।
ଇଟିଭି ଭାରତ, ସମ୍ବଲପୁର
